Ադրբեջանն անմարդկային նվաստացման է ենթարկում արցախցիներին. Նաիրա Զոհրաբյան

Այլեւս մի քանի օր է արգելվել է անգամ «Կարմիր խաչի» մեքենաների մուտքը Արցախ, որտեղից նրանք կարողանում էին տեղափոխել ծայրահեղ ծանր հիվանդներին, որոնք իրենց բուժումը կարող են ստանալ միայն ու բացառապես Երեւանում: Այս մասին ահազանգում է «Անվտանգություն եւ ժողովրդավարություն» ՀԿ նախագահ ՆԱԻՐԱ ԶՈՀՐԱԲՅԱՆԸ:

— Աշխարհում չկա մի նախադեպ, որ «Կարմիր խաչի» մեքենաների երթեւեկը արգելեն: Արցախում այլեւս հումանիտար ճգնաժամ է: Իսկ միջազգային հանրությունը լուռ է: Ավելին` ես տեսա, որ մի քանի օր առաջ քրիստոնեական թիվ մեկ հանգրվանի` Վատիկանի ներկայացուցիչ Պիեդրո Պարոլինը, հանդիպելով Բաքվի ներկայացուցիչների հետ, ասել է, որ իրենք բարձր են գնահատում Ադրբեջանի, իբր, հումանիտար մոտեցումները: Երեւի, Մեհրիբանը Վատիկանի գանձարանին հսկայական գումարներ պիտի մուծի եւ Հռոմի Պապի հերթական արձանը պիտի համաֆինանսավորի, ինչպես արել է բազմաթիվ անգամներ: Վատիկան, որ քրիստոնեական բարձրագույն կոթողն ես, հարց չունե՞ս Բաքվին, որ 120 հազար մարդ մատնված է սովի, որոնց մեջ` 30 հազար երեխա: Կարծում եմ` նաեւ տեղյակ եք, որ Սարսանգի ջրամբարի մակարդակը կտրուկ իջել է, իսկ դա նշանակում է, որ շուտով լինելու է նաեւ էլեկտրաէներգիայի լրջագույն ճգնաժամ: Օրեր առաջ էլ անմարդկային նվաստացման ենթարկեց Ադրբեջանը արցախցիներին: Ընդամենը մի քանի ժամով միացրեց գազի մատակարարումը: Միջազգային կառույցները, նույնիսկ Հարավային Կովկասում ԵՄ հատուկ ներկայացուցիչ Տոյվո Կլաարը ողջունեցին Ադրբեջանի այս «մարդասիրական» քայլը: Սակայն մի քանի ժամ հետո գազամատակարարումը անջատեցին: Երկրորդ համաշխարհայինի ժամանակ գերմանական կոնցլագերներում` օսվենցիմներում եւ այլ տեղերում էին այդպիսի փորձարկումների ենթարկում մարդկանց, թե ինչքան մարդու փսիխիկան կարող է այդ կտտանքներին դիմանալ: Նույնիսկ Ադրբեջանի ՊՆ-ի կողմից հովանավորվող ռուսալեզու ինտերնետ պորտալներից մեկը հայտարարել է, թե «ինչպես վայրի կատվին, գազանին են վարժեցնում, մենք էլ այդպես արցախցիներին հլու եւ հնազանդ ենք դարձնելու: Ու սա կոչվում է խաղաղության համաձայնագի՞ր:

ՀՐԱՆՏ ՍԱՐԱՖՅԱՆ

Այս թեմայով ԵՄ-ն հանձնառու է աջակցել Հայաստանի ազգային անվտանգությանը, կարող եք ապավինել մեզ. ԵԽ նախագահ ԵՄ-ն ուժգնորեն աջակցում է ՀՀ-ի սոցիալ-տնտեսական բարեփոխումների օրակարգին. ԵԽ նախագահ Մաքսիմ Գալկինն Ալեն Սիմոնյանի հետ գնացել է Գառնի. Լուսանկարներ Եվրոպան կհավաքվի ՀՀ-ում` կոլեկտիվ դիմադրողականությունը ամրապնդելու համար․ ԵԽ նախագահ Մակրոնը ժամանեց Երեւան