Այսօր երկրում իշխում են գլոբալիստ սատանաները. Տեր ԱՀԱՐՈՆ քահանա ՄԵԼՔՈՒՄՅԱՆ

 «Իրավունքը» զրուցել է Գորիսի տարածաշրջանի հոգեւոր հովիվ, արժանապատիվ Տեր ԱՀԱՐՈՆ քահանա ՄԵԼՔՈՒՄՅԱՆԻ հետ:

— Տեր Հայր, մոտենում է Վարդավառի տոնը. ի՞նչ կասեք այդ օրվա հետ կապված եկեղեցում անցկացվող արարողակարգի մասին: Վարդավառը ժամանակին մեր սիրած տոներից էր, հիմա կարծես այն չէ: Հոգեբանորեն մարդկանց մոտ բա՞ն է փոխվել:

— Վարդավառի խորհուրդը Քրիստոսի պայծառակերպության տոնն է, երբ մեր Տեր եւ Փրկիչ Հիսուս Քրիստոս պայծառակերպվեց, այլակերպվեց առաքյալների առջեւ՝ ցույց տալով նրանց իր աստվածային փառքը:

Այդ օրվա հետ կապված՝ տոնի ժողովրդական դրսեւորումը՝ «ջրոցին», Նոյի ժամանակներից եկած սովորություն է: Ի դեպ, ջրհեղեղի մասին պատմությունը տարածված է աշխարհի գրեթե բոլոր ազգերի մեջ: Գորիսում այդ օրը նշանավոր օր է լինելու, Պայծառակերպության տոնի Սուրբ Պատարագի ընթացքում Գորիսի սուրբ Գրիգոր Լուսավորիչ եկեղեցում քահանայական ձեռնադրություն է լինելու: Չորս սարկավագներ պետք է քահանա դառնան, օծվեն, Աստծո օծյալները լինեն եւ իրենց հոգեւոր ծառայությունը մատուցեն Հայ ազգին ու եկեղեցուն:

-Որքանո՞վ են եկեղեցու հոգևոր խորհուրդներն այսօր ընկալելի մեր երկրում:

-Առհասարակ, այսօր Գորիսում մեծ հոգեւոր շարժ կա, մասնավորապես՝ շատ են մկրտվողներն ու Սուրբ Հաղորդության մասնակիցները, եւ նրանց մեջ մեծամասնություն է մատաղ սերունդը՝ մեր խոստումնալից ապագան: Աստվածաշնչում գրված է, որ երբ Աստված Սոդոմ-Գոմորը պետք է կործաներ, Աբրահամին ասաց` եթե տասը արդար լինի, ես այդ քաղաքը կխնայեմ: Ես իմ համայնքին ասում եմ` ո՛չ թուրքը, ո՛չ ամերիկացին, ո՛չ ադրբեջանցին ոչ մի բան չեն կարող անել, եթե մեր մեջ լինի տասը արդար: Ուզո՞ւմ եք Գորիսը անվնաս պահպանվի ու բարգավաճի, ուրեմն ձեր մեջ պետք է լինի այդ «տասը արդարը»: Արդարության այդ ձգտումը պետք է ունենանք, որովհետեւ մեղքը իբրեւ հետեւանք, հոգու մահ է ծնում:

Թուրքն այսօր կրակում է Տեղ գյուղում, Սեւ լճում: Եթե մենք նայում ենք նրանց եղանակի տեսությունը, այնտեղ Հայաստանը ներկայացվում է՝ որպես Արեւմտյան Ադրբեջան: Մենք կրակով պետք է անցնենք: Ոսկին կրակի մեջ է փորձվում: Ազգն է այսօր մտահոգ, իսկ ազգը տարբերվում է ժողովրդից: Ժողովուրդն ազգը չի: Ժողովուրդը հայրենիք չունի, հայրենիքի հանդեպ զգացողություն չունի: Ժողովուրդն ասում է. «Որտեղ հաց, այնտեղ կաց»: Այդ ժողովրդին մի տեղից հանես, տանես մեկ ուրիշ տեղ, հացը դնես առաջը, ինքը գոհ ու երջանիկ կապրի: Ազգն է, որ կերտում է հայրենիքի ապագան: Ազգը միշտ քիչ է, բայց զորավոր է, բայց այսօր ազգի մի մասը դեռեւս չի հասկանում՝ ինչ է կատարվում, իսկ մյուս մասի ձայնն էլ խլացնում են: Զենքի ազատականության օրենքը, որ ուզում են ընդունել, հղի է շատ մեծ վտանգներով: Թուրքը մի լավ խոսք ունի` հային պետք չի կոտորել, հային պետք է զենք բաժանել: Իրենք դա են անում: Այդ զենք բաժանելը՝ շատ վտանգավոր բան է: Այսօր ամեն հանցագործ կարող է գնալ եւ զենք գնել: Ճիշտ է՝ սահմանամերձ գոտիներում պետք է զենք լինի, բայց դա հավաքական մի տեղ պետք է լինի, որ հարկ եղած դեպքում շատ արագ կարողանան վերցնել եւ գնալ իրենց հողը պաշտպանել: Սոցիալական ծանր վիճակում ենք` խաղամոլության, թմրամոլության, անբարոյության արմատացումը ներկայիս սպառողական հասարակության մեջ անհայրենիքների կողմից խրախուսվում եւ հովանավորվում է: Պատկերացնու՞մ եք, եթե մարդը խաղամոլ, թմրամոլ, անբարո է, ի՞նչ պետք է անի:

— Հոգեւոր-մշակութային արժեքների մասին ի՞նչ կասեք:

— Երբ Հայաստանը մտավ Բոլոնյան կրթական համակարգի մեջ, որտեղ սեւով սպիտակի վրա գրված է, որ դպրոցներից պետք է հանեն հոգեւոր, մշակութային, ազգային, ռազմահայրենասիրական թեմաները, կրթությունը դարձավ 12-ամյա, արդեն ամեն ինչ պարզ էր, թե ինչ են ուզում անել: Այսինքն` դպրոցական ծրագրի ազգապահպան կոնտենտը դուրս է մղվում՝ փոխարինվելով համահարթեցված հասկացություններով ու հայեցակարգերով: Այսօր երկրում իշխում են գլոբալիստ սատանիստները, իսկ դրանցից ազգային բան պահանջելը, մեղմ ասած՝ միամտություն է:

Մշակութային ոլորտը այսօր գրեթե լիովին պարպված է ազգային տարրից եւ վերածվել է «ենթամշակույթի»: Սպառողական հոգեբանությամբ գոյատեւող ընտանիքները այդ «մշակույՏի» կրողներն ու տարածողներն են՝ ամենայն մարդկայինի ու ազգայինի հանդեպ իրենց անխոնջ ու զգոն անտարբերությամբ:

ՆՈՒՆԵ ԶԱՔԱՐՅԱՆ

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Հայաստանի իշխանությունը ներկայացնողները դավաճանել են մի բուռ հայ ժողովրդին ու մտադիր են ոչնչացնել նրան «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը Գեներալ, մի նեղացեք հայրենիքից, մի հրաժարվեք Հայաստանից. Հայտնի փաստաբանը դիմել ԽՍՀՄ գեներալին Ո՞ւր են կարգալույծ սրբապիղծին հսկող ոստիկաններն ու մյուս ապստամբողները․ Տեր Մանուկ