Ունանյանը վնասվածքով կմենամարտի վտանգավոր Ռոնդինելլիի հետ

Ղրղզստանի Կարա-բալտա քաղաքում հուլիսի 15-ին տեղի կունենա EFC Global 33 MMA մարզաձեւի խոշոր միջազգային մրցաշարը, որին կմասնակցեն տարբեր ազգությունների անվանի ու ճանաչված մարզիկներ։ Այդ հեղինակավոր մրցաշարում իր մասնակցությունը կունենա նաեւ հայ մարզիկ Կամո Ունանյանը։ 

MMA մարզաձեւում սա կլինի Կամո Ունանյանի 3-րդ մարտը։ Նա այս անգամ կմրցի բրազիլացի անվանի մարզիկ Ռոդրիգես Ռոնդինելլիի հետ, որի ռեկորդն է՝ 22 հաղթանակ եւ 6 պարտություն։

«Չնայած, Ռոնդինելլին երկար ժամանակ չի մասնակցել մարտերի, բայց շատ վտանգավոր հակառակորդ է։ Ամեն դեպքում, ինձ համար կապ չունի, թե ռինգում իմ հակառակորդն ով է, ամեն ինչ անելու եմ, որ հաղթեմ»,- մեզ հետ զրույցում ասաց Կամո Ունանյանը։

Հարցին, թե հաշվի առնելով, որ Ռոնդինելլին բավականին դժվար հակառակորդ է, ինչո՞ւ է ընտրել հենց այդ մարզիկին, ի պատասխան Կամո Ունանյանը նշեց. «Ես չեմ ընտրել, նրա հետ մրցելու որոշումը կայացրել է EFC Global-ը։ Թեպետ, այդ մարզաձեւում ինձ մտերիմ շատ կայացած մարդիկ ասում են, որ MMA-ում սա իմ 3-րդ մարտն է ու պետք չէ շտապել՝ մրցելով նման մարզիկի հոտ, ով բազում հաղթանակներ ունի եւ հատկապես՝ բրազիլացի է, իսկ գաղտնիք չէ, որ բրազիլացիները շատ ուժեղ են MMA սպորտաձեւում, բայց կրկնում եմ՝ ամեն ինչ անելու եմ, որ հաղթեմ»,- վճռական պնդեց Ունանյանը, ով վերջերս ուսի շրջանում վնասվածք էր ստացել։ Երբ հետաքրքրվեցինք, մինչ մենամարտը արդյո՞ք հասցրել է ապաքինվել՝ ստացանք բացասական պատասխան. «Ճիշտն ասած, չեմ հասցրել ապաքինվել, քանի որ ժամանակը շատ կարճ է։ Վնասվածքը ստացել եմ 5-6 օր առաջ, հետազոտվելուց հետո՝ բժիշկներն ասացին, որ մոտ 3 շաբաթ բուժում է հարկավոր։ Բայց, քանի որ ժամանակ չկա, չենք նայելու այդ վնասվածքին, դուրս եմ գալու մարտի միայն ու միայն հաղթանակի համար»։

Ի դեպ, Կամո Ունանյանը EFC Global 33 MMA մարզաձեւի խոշոր միջազգային մրցաշարին կմեկնի MMA մարզաձեւի լեգենդար մարզիկ Դավիթ Խաչատրյանի հետ. «Իմ լավ ընկեր, լեգենդար մարզիկ Դավիթ Խաչատրյանը, ով ինձ հետ այս ամբողջ ընթացքում անհատական մարզումներ էր իրականացնում, կուղեկցի ու ողջ մենամարտի ժամանակ ինձ հետ կլինի Ղրղզստանում»,- տեղեկացրեց Կամո Ունանյանը։

Այս թեմայով Արարատում ծեծկռտուքի գործով կալանավորվել է Մասիսի նախկին քաղաքապետ Դավիթ Համբարձումյանի եղբայրը. Armlur Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Գերմանիայից ժամանած բժշկին թույլ չեն տվել «Երևան-Կենտրոն» ՔԿՀ-ում զննել Գագիկ Խաչատրյանին․ հայտարարություն «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը