Այսքանից հետո Արցախից տեղահանվածները դեռ հույսեր են կապում ԱՄՆ-ի հետ

Թեպետ Միացյալ Նահանգների դեսպանը Հանրայինի եթերում հայտարարում է, որ Արցախը կարող է լինել Ադրբեջանի կազում, Արցախից տեղահանված քաղաքացիները շարունակում են հույսեր կապել հենց ԱՄՆ-ի հետ: Նրանք երեկ բողոքի ակցիա իրականացրին ՀՀ-ում ԱՄՆ դեսպանատան դիմաց: Ըստ  Մեծ Թաղերի նախկին գյուղապետ, Արցախի նախկին պատգամավոր, «Հանուն Հադրութի» ՀԿ նախագահ ԼԵՎՈՆ ՀԱՅՐՅԱՆԻ` այսօր միջազգային հանրությունը, հայտարարելով, որ Արցախում պատերազմական լուծում չի լինելու, փորձում է Ադրբեջանի պատերազմական լուծումն արդարացնել:

— Օրինակ, ինչո՞ւ ամերիկյան 907-րդ հոդվածը չի գործում մեր պարագայում, ինչո՞ւ է ամեն անգամ դա շրջանցելով` ԱՄՆ կառավարությունը զենք տալիս Ադրբեջանին: Մենք հարցի լուծումը տեսնում ենք միայն ազգերի ինքնորոշման մեջ եւ մեծ հույս ունեինք ԱՄՆ-ի վրա, քանի որ ԱՄՆ-ն հայտարարել է իրեն մարդու իրավունքների, ժողովրդավարության եւ ազգերի ինքնորոշման դրոշակակիր: Մեր հույսը դարձյալ ԱՄՆ-ն է: Մենք մի քանի օր առաջ մոտ 10 ՀԿ-ներով նամակ ենք գրել` հանդիպելու համար եւ սպասում ենք դրա պատասխանին: Շատ ենք ցանկանում դեսպանի հետ հանդիպել եւ բացատրել այն իրավիճակը, որում հայտնվել ենք, եւ պարզաբանումներ ստանալ` մեր ապագայի հետ կապված:

Այս թեմայով Այսօր հայտնի իրավապաշտպան Լեվոն Բաղդասարյանի քույրիկի տարեդարձն է Իրանի հետ հակամարտությունն ԱՄՆ-ի վրա արժեցել է 45.1 մլրդ դոլար Չէ՞, հա, իրո՞ք. Գեւորգ Սուջյանի պատասխանը Ալիեւին ՀՐԱՏԱՊ. Վարդանի շուրջ 19-ամսյա կալանքը նշանակում է արդեն հարյուր հազարավոր դոլարների հանրային միջոցների ծախս Ընտրապայքարի են դուրս եկել ներկա եւ նախկին համայնքապետերը