Ալկոհոլային խմիչքների ներմուծմամբ զբաղվող ընկերության սեփականատիրոջ կուսակցությունն ու երևանյան ընտրությունը․ Դրոն կուսակցություն-2 (armlife.am)

Ալկոհոլային խմիչքների ներմուծաման գործում մասնագիտացած «Սարգիս-Կարոլինա» ընկերության սեփականատեր Երվանդ Թարվերդյանը, ով համատեղության կարգով Միացյալ Հայաստան կուսակցության սեփականատերն է, դեռևս անցյալ տարվա դեկտեմբերից հայտարարում էր Երևանի ավագանու ընտրություններին մասնակցելու և Երևանի քաղաքապետ դառնալու իր մտադրության մասին:

Թարվերդյանը մի գործով էլ է ձեռքի հետ զբաղվում. բիզնես դասընթացներ էր անցկացնում սկսնակ բիզնեսմենների համար: Մենք այդ դասընթացներին չենք մասնակցել, բայց դատելով նրա քաղաքական գործունեության հետագծից, կարելի է ասել, որ նա տնտեսական և քաղաքական բիզնեսը շատ հաջող համատեղելու իր փորձն փոխանցել է սկսնակներին:
Եթե Թարվերդյանը մի փոքր ավելի անկեղծ լիներ, կարող էր ընտրել «Տնտեսության մեջ հաջողակ լինելու համար պետք է մշտապես ծառայել գործող իշխանությանը» կարգախոսը:

Թարվերդյանը հսկայական միջոցներ է ծախսում մամուլի և քարոզչության վրա: Նրան ու իր կուսակցության աշխատակիցներին, մշտապես կարելի է տեսնել տարբեր կայքերի էջերին: Նրանք հարցազրույցներ են տալիս, տեսակետներ հայտնում ամենատարբեր հարցերի վերաբերյալ:

Նրանց թվում է, թե միայն իրենք գիտեն, որ իշխանությանը կարելի է ծառայել՝ իշխանությանը քննադատելով: Թարվերդյանին թվում է, որ իր այդ ճարպիկ գործելաոճը կարելի է սղացնել որպես ընդդիմադիր գործունեություն, այսպես ասած՝ մարդկանց ականջներին մակարոն կախել: Միայն թե բոլորի ականջները չէ, որ ազատ են Թրվերդյանի հրուշակեղենի տարբեր պատրաստուկների համար:

Իշխանությունը տարբեր մարդկանց տարբեր կերպ է ստիպում կամ շահագրգռում մասնակցել Երևանի ավագանու ընտրություններին և ձայն փախցնել. մեկին փող են տալիս, մյուսին սպառնում են կտրել փողի աղբյուրից, մյուսին հնարավորություն են ապահովում ավելի շատ փող աշխատել:

Ասել, որ Երվանդ Թարվերդյանը ստիպված է կուսակցություն պահում, կամ մասնակցում ընտրությունների, այնքան էլ ճիշտ չի լինի, նա դա անում է հաճույքով, քանի որ դրա դիմաց կարող է ստանալ որոշակի բոնուսներ իշխանության բարեհաճ վերաբերմունքի տեսքով, իսկ դա արդեն հաճելի է:

Որ Երվանդ Թարվերդյանը կեղծ ու իշխանության կողմից քաղաքական դաշտում արհեստականորեն սածիլ արված, բայց այդպես էլ արմատներ չտվող և չզարգացող տեսակ է, ինչպես ցանկացած արհեստածին գոյացություն, կարելի է պարզել նրա մի քանի հրապարակային հայտարարություններից:

Օրինակ, երբ անցյալ տարվա դեկտեմբերին Նիկոլ Փաշինյանը ֆինանսների նախարար Տիգրան Խաչատրյանին նշանակեց փոխվարչապետ, Թարվերդյանը միանգամից դա համարեց վերջին չորս տարիների ընթացքում արված լավագույն կադրային նշանակումը․ «Անձամբ շնորհակալություն եմ հայտնում թե՛ վարչապետին, թե՛ նախագահին՝ ճիշտ որոշման համար։ Տիգրան Խաչատրյանին շատ վաղուց ճանաչում եմ անձամբ և բազմիցս շեշտել եմ, որ նա պրոֆեսիոնալ է, ունի տնտեսական ոլորում բարձր պաշտոն ղեկավարելու փորձ, մասնավորապես՝ բավական երկար աշխատել է Հայաստանի խոշորագույն ընկերություններից մեկում և նաև երկարատև փորձ ունի գործադիր իշխանությունում։ Խաչատրյանը բացառիկ պրոֆեսիոնալներից և Հանրապետության լավագույն մասնագետներից մեկն է։ Ինքս 24 ժամ պատրաստ եմ թե՛ իմ փորձով, թե՛ գիտելիքներով աջակցել նրան»:

Երբ Հայաստանի քաղաքացիների ճնշող մեծամասնությունը Փաշինյանին և նրան կից գործող նախագահ Վահագն Խաչատուրյանին մեղադրում են հայրենիքի դավաճանության, Արցախը թշնամուն հանձնելու, Հայաստանի սահմանները անպաշտպան թողնելու և թշնամուն տարածքային զիջումներ անելու մեջ, Թարվերդյանը շնորհակալություն է հայտնում Փաշինյանին և պատրաստակամություն հայտնում օր ու գիժեր`24 ժամ աջակցել այդ կառավարությանը, դա արդեն տվյալ անձի քաղաքական դիրքորոշման հստակ ցուցիչ է: Կարևոր է նաև, որ Թարվերդյանն այդ հայտարարությունն անում է Փաշինյանի ընտանիքի սեփականությունը հանդիսացող Հայկական ժամանակի կայքով, որ շնորհակալությունը տեղ հասնի:

Ամենայն հավանականությամբ Թարվերդյանի այս ուղերձն անհետևանք չի մնացել, և Փաշինյանն ու ընտանքիը հնարավորություն են տվել Թարվերդյանին աջակցելու իրենց, ինչի ականատեսն ենք մենք:

Մարդն ամեն անգամ, երբ հերթական նողկալի տեսարանի ականատեսն է լինում, մտածում է, թե սա իր գարշելիությամբ վերջն է, բայց ցավոք նորից մարդը հայտնաբերում է , որ մարդկային ցինզմն ու անսկզբունքայնությունը սահմաններ չեն ճանաչում:

ՀԳ. Մենք սկսել ենք շարք՝ դրոն կուսակցությունների մասին, փորձելով հերթով բացահայտել դրանց գործունեության շարժառիթները, և թե դրանցից յուրաքանչյուրը ինչի համար է մասնակցելու Երևանի ավագանու ընտրություններին և ինչ է ստանալու դրա դիմաց:

Սկզբնաղբյուրը` armlife.am

Այս թեմայով Մինչ Զելենսկին հանգստանում է իր սենյակում, մոտակա կայանատեղիները և Երևանի «National » հյուրանոցի մուտքը հսկում են շները 27 տարեկան հասակում դարձավ երաժշտական դպրոցի հիմնադիր տնօրենը և իմ կյանքում բացառիկ դերակատարում ունեցավ. Հայտնի իրավապաշտպանի ուշագրավ գրառումը Զեբրը փախել է Երևանի Կենդանաբանական այգուց եւ հայտնվել Մյասնիկյան պողոտայում Ընդդիմադիր մեկ ճակատով ընտրություններին մասնակցելը պահանջված մոտեցում էր. Փոստանջյան Ադրբեջանական ինքնաթիռը վայրէջք կատարեց Երեւանում