Նոր զարգացումներ «Մհեր Մկրտչյան» արտիստական թատրոնում

Արդեն երկու թատրոն է, ինչ գործում է առանց գեղարվեստական ղեկավարի հաստիքի: Օրերս կրճատվեց նաեւ «Մհեր Մկրտչյան» արտիստական թատրոնի գեղարվեստական ղեկավարի հաստիքը: Մենք փորձեցինք պարզել, թե ով եւ ինչու է հարկ համարել թատրոնը թողնել առանց գեղարվեստական ղեկավարի: Այս թեմայի շուրջ զրուցեցինք «Մհեր Մկրտչյան» արտիստական թատրոնի տնօրենի Ժ/Պ ՄԱԿԻՉ ՄԱՐԳԱՐՅԱՆԻ հետ:

— Պարոն Մարգարյան, վերջերս կրճատեցին թատրոնի գեղարվեստական ղեկավարի հաստիքը: Այս մասին ի՞նչ կասեք:

— Քաղաքապետարանն է հրաման տվողը: Մենք կատարող ենք:

— Ձեր կողմից ինչո՞ւ ընդվզում չեղավ, երբ կրճատեցին գեղարվեստական ղեկավարի հաստիքը:

— Ես ո՞վ եմ, որ ընդվզեմ կամ չընդվզեմ: Ժամանակավոր տնօրենի պարտականությունն եմ կատարում եւ իրավասություն չունեմ նման հարցեր լուծելու:

— Քաղաքապետարանի ներկայացված հաստիքացուցակի մեջ միայն գեղարվեստական ղեկավարի հաստի՞քն է կրճատվել:

— Ոչ, էլի հաստիքներ կան, որոնք կրճատվել են: Քաղաքապետարանը նոր հաստիքացուցակ է մեզ ներկայացրել, որտեղ չկան նկարչի, ռեժիսորի օգնականի, բեմադրական մասի վարիչի, գեղարվեստական ղեկավարի հաստիքները:

— Թատրոնն ի՞նչ վիճակում է գտնվում:

— Քանի որ քաղաքապետարանի կողմից վերանորոգման փուլում ենք գտնվում, մեր թատրոնի աշխատողները հարկադիր պարապուրդի մեջ են: Ես եմ գալիս, պահակներն են լինում, մեկ-մեկ էլ հավաքարարն է գալիս:

— Վերանորոգման աշխատանքները ե՞րբ կավարտվեն:

— Ամենայն հավանականությամբ, սեպտեմբերին թատրոնի վերանորոգման աշխատանքները կավարտվեն:

ՆՈՒՆԵ ԶԱՔԱՐՅԱՆ

Այս թեմայով Մհեր Գրիգորյանը մեկնում է Մոսկվա Ակնկալում եմ լրատվամիջոցների պատասխանատու մոտեցում. Ռազմիկ Մկրտչյան Էմին ջան, թեթև տար... իսկ գուցե ճի՞շտ էի ես, որ չեմ կզել. Մհեր Մկրտչյան Տարբեր բովանդակությամբ բազմաթիվ զանգեր ու հաղորդագրություններ եմ ստացել. Մհեր Բաղդասարյան Նրանց հետ նաև ապրել են Անդրեի ծնողները և նրանք կթողնեին ու կգնային, բայց չէին հանդուրժի ֆիզիկական կամ հոգեբանական բռնություն․ Մհեր Բաղդասարյանը` Անդրեի ու Անիի սկանդալային բաժանման մասին