Քանի դեռ պատերազմի վտանգ կա, ամեն օր Արցախում հայ երեխան տրավմա է ստանում. հայ հոգեբաններն ահազանգում են աշխարհին

Մեծ Բրիտանիայի թագավորությունում կայացած միջազգային գիտաժողովում հայ հոգեբանները մասնակիցների ուշադրությունն են հրավիրել Արցախի հիմնախնդրի վրա։ Մասնավորապես, հայ հոգեբաններն ընդգծել են, որ աշխարհի մի փոքրիկ հատվածում՝ Արցախում, ամեն օր հայ երեխան ստանում է տրավմա, իսկ հետպատերազմյան տրավմաներն ամեն օր վերք են դառնում եւ թարմանում, քանի դեռ պատերազմի վտանգ կա անպաշտպան մնաց Հայրենիքում։

Հոգեբան, գիտությունների թեկնածու, դոցենտ ՄԱՐԻԱՄ ՄԵՀՐԱԲՅԱՆԻ հետազոտական աշխատանքը շարժեց եվրոպական հոգեբանների հետաքրքրությունը։ Երեք տարվա վիճակագրական տվյալների հիման վրա հնարավոր էր եղել ստանալ գիտական տվյալներ, որ այս տարիներին հոգեբանական տրավմաները շարունակում են վտանգ առաջացնել աճող սերնդի համար՝ կրթական, զարգացման, հոգեմարմնային եւ այլն: «Իրավունք»-ը հետաքրքրվեց նրանից, թե որքանո՞վ է հաջողվել  իրենց հասանելի դարձնել միջազգային հոգեբաններին Արցախում առկա իրավիճակը, երբ բոլորը, կարծես, կենտրոնացած են Ուկրաինայում տեղի ունեցող պատերազմի վրա։

«Համաեվրոպական հոգեբանների գիտաժողովին ECP մասնակցում ենք տարիներ շարունակ, մշտապես ներկայացնում արդի խնդիրներ՝ հայ ընտանիք, հայ երեխա, հայ սպորտ, եւ այս անգամ մեզ համար ահագնացող են տրավմաները, որոնք ծագում են շրջափակման, թշնամու կեղծ լուրերի, ագրեսիայի պատճառով։ Ճիշտ եք, գիտաժողվին եւս Ուկրաինայի խնդիրը դոմինանտ էր, սակայն մեզ հաջողվեց մասնակիցների ուշադրությունը գրավել մեր գիտական մոտեցումներով, կատարված հետազոտությամբ», - ասաց Մ. Մեհրաբյանը:

Ի դեպ, նշենք, որ գիտաժողովի ավարտին հայ պատվիրակությունը ֆլեշմոբ էր կազմակերպել «Հայ երեխան Սեր է» խորագրով, որին սիրով մասնակցել են հարյուրից ավել երկրներ:

ՆԱՆԱ ՍԱՐԳՍՅԱՆ

Այս թեմայով Անբարոյական մոտեցում է, եթե ՊՆ նախարարը գտնում է, որ բանակի ողբերգական դեպքերում իր մեղքը չկա 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Դասղեկն ու հոգեբանը պարբերաբար բուլինգի են ենթարկել 8-ամյա տղային, հրել և գցել են գետնին Շատ են արցախցիները իրանց գեներալներով երդում-պատռտվում՝ հեսա շոկի կենթարկվեն, որ տեսնեն ունեցվածքների աշխարհագրությունը Գոնե սեւազգեստ մայրերից ամաչեք, դուք եք նրանց սեւ հագցրել. Ալլա Հակոբյան