Ինչպիսին կլիներ արդյունքները, եթե այս շաբաթ տեղի ունենային Երեւանի ավագանու ընտրություններ

Iravunk.com-ում արդեն երեք ամիս է, ինչ ընթանում է սոցհարցում, թե քաղաքացիները սեպտեմբերի 17-ին տեղի ունենալիք Երեւանի ավագանու ընտրություններին ո՞ր քաղաքական ուժի ներկայացուցչին են ցանկանում տեսնել Երեւանի քաղաքապետի պաշտոնում: Այսպիսով՝ ամփոփելով եռամսյակը՝ բավականին ուշագրավ պատկեր է ստացվել:

Սոցհարցմանը մասնակցած 251 անձից ընդամենը 1-ական տոկոսը ցանկանում է Երեւանի քաղաքապետի պաշտոնում տեսնել Նորիկ Նորիկյանի «Արդար Հայաստան» կամ Տիգրան Արզաքանցյանի «Ուժը Հայրենյաց» կուսակցության ներկայացուցչին: Նույնն է, թե Երեւանի քաղաքապետ լինի, որպես թեկնածու, հայտ ներկայացրած փաստաբան Նորիկյանը կամ Արզաքանցյանի տիկին Ռոտենբերգը:

Հարցման մասնակիցների ընդամենը 2 տոկոսը կողմ է, որ ընտրություններում հաղթի «Ապրելու երկիր» կուսակցության թեկնածու Մանե Թանդիլյանը: Այո, չհայտարարված, բայց նրա գերակտիվ նախընտրական քարոզարշավը քաղաքացիների վրա չնչին ազդեցություն է թողել:

3 տոկոսը Երեւանի քաղաքապետի պաշտոնում ցանկանում է տեսնել «Բարգավաճ Հայաստան» կուսակցության ներկայացուցչին, թեպետ այս քաղաքական ուժն ընտրություններին մասնակցել-չմասնակցելու վերաբերյալ դեռ հայտարարությամբ հանդես չի եկել:

ԱԺԲ-ականների ներկայացուցչին քաղաքապետի պաշտոնում ուզում է տեսնել հարցման մասնակիցների 4 տոկոսը: Իսկ ՀՅԴ-ի ներկայացուցչին՝ 9 տոկոսը:

Հարցման արդյունքում լավագույն ցուցանիշներ ունեցողների եռյակը բացում է Վարդան Ղուկասյանի «Հանրային ձայն» կուսակցությունը, որի քաղաքապետի թեկնածուն կալանքի տակ գտնվող Արտակ Գալստյանն է: «Հանրային ձայնը» ստացել է քաղաքացիների 43 տոկոսի վստահությունը: 19 տոկոսը Երեւանի քաղաքապետի պաշտոնում ցանկանում է կրկին տեսնել Հանրապետական կուսակցության ներկայացուցչին, թեպետ ՀՀԿ-ն եւս մինչ այս պահն ընտրություններին մասնակցելու հայտարարությամբ հանդես չի եկել: Երրորդ տեղում՝ «Ուժեղ Հայաստան Ռուսաստանի հետ. հանուն նոր Միության» շարժումն է, որը ստացել է 13 տոկոս ձայն: Հիշեցնենք, որ շարժման գործադիր կոմիտեի անդամ, ՍԻՄ կուսակցության նախագահ Հայկ Բաբուխանյանը կոչ էր արել Երեւանի քաղաքային ընտրությունների շուրջ ձեւավորել ընդդիմադիր միասնական դաշինք՝ վերականգնելով 16 կուսակցությունների համագործակցության ֆորմատը` միասնական ճակատով հանդես գալու նպատակով:

Հատկանշական է այն, որ սոցհարցման շրջանակում իշխող «Քաղաքացիական պայմանագիր» կուսակցությունը ստացել է զրո տոկոս, իսկ նշված քաղաքական ուժերից դուրս այլ քաղաքական ուժի ներկայացուցչին են ցանկանում Երեւանի քաղաքապետի պաշտոնում տեսնել հարցման մասնակիցների 5 տոկոսը:

ՀՐԱՆՏ ՍԱՐԱՖՅԱՆ

Այս թեմայով Ինչ են կանխատեսում եվրոպացիները առաջիկա ընտրությունների վերաբերյալ Երեխայի նկատմամբ բռնությունը մեղք է ոչ միայն օրենքի, այլ նաև Աստծո առաջ. Հայտնի իրավապաշտպանը մանկապղծության դեպքի մասին Տրանսպորտային միջոցներ վարելու իրավունքը կասեցված ու վթարի պատճառ դարձած 19-ամյա տղայի նկատմամբ հանրային քրեական հետապնդում է հարուցվել Խորեն Լևոնյանին «Հանրային հեռուստաընկերություն»-ն աշխատանքից ազատել է, քանի որ նա հրաժարվել է ծաղրել գուսաններին Մինչ Զելենսկին հանգստանում է իր սենյակում, մոտակա կայանատեղիները և Երևանի «National » հյուրանոցի մուտքը հսկում են շները