Վանաձորում տեղի ունեցավ «Թաքուն…անխոս» երգի շնորհանդեսը

Վանաձորցի մտավորականներին եւ մշակութային հաստատությունների սաներին մեկ հարկի տակ էր համախմբել սփյուռքահայ գրող-հրապարակախոս, Նյու Յորքի գիտությունների ակադեմիայի պատվավոր անդամ Յակոբ Այնթապլեանը։ Հանդիպման հիմնական թեման առնչվում էր Հայաստան-Սփյուռք կապերին։ Հարցերը շատ էին, պատասխանները՝ սպառիչ: 

Երեկոյի ընթացքում տեղի ունեցավ նաեւ Յ. Այնթապլեանի «Վերադարձ» ժողովածուում տեղ գտած «Թաքուն…անխոս» բանաստեղծության հիման վրա գրված երգի եւ տեսահոլովակի շնորհանդեսը: Երաժշտության հեղինակը ԵՊԿ պրոֆեսոր, կոմպոզիտոր Մարգարիտ Սարգսյանն է։ Երգը կատարեց հանրապետական եւ միջազգային մրցույթների դափնեկիր Անդրանիկ Մալխասյանը։

Վանաձորցիները բարձր գնահատեցին ներկայացված ստեղծագործությունը։ Ի դեպ, «Թաքուն…անխոս» երգի շնորհանդես նախատեսվում է իրականացնել նաեւ մայրաքաղաքում եւ այլ քաղաքներում, որոնք եւս կուղեկցվեն Հակոբ Այնթապլեանի դասախոսություններով:

Նշենք, որ Յակոբ Այնթապլյանն առաջին անգամ Հայաստան է այցելել արցախյան շարժման օրերին; 1988 թվականի երկրաշարժից հետո, մինչ օրս էլ բարեգործական գործունեություն իրականացրել հայրենիքում: Նրա մտահոգությունների առանցքում նաեւ հայերենապահպանության եւ հայոց լեզվի անաղարտության պահպանման խնդիրներն են, որոնց լուծման ուղղությամբ ներկայումս մեծ աշխատանք է տանում: 

ՀՐԱՆՏ ՍԱՐԱՖՅԱՆ

Այս թեմայով Արարատն ու Վեդին, Վանաձորն ու Փամբակը միավորվեցին. ԱԺ-ն ընդունեց օրինագիծը Նեկրոդատավարությունների երկիր Հայաստան  Հայրիկի հրաշքը կգնա առաջին դասարան․ Գուրգեն Դաբաղյանը՝ դստեր կյանքի նոր փուլի մասին «Ժողովուրդ». Պապիկյանն ազատվում է Անդրանիկ Քոչարյանի կադրերից «Գահավիժե՞լ է ձեր դիրքերը ՔՊ-ում», «Ո՛չ, Աննան էլ կամերաներից դուրս ինձ այդպես ասաց». Անդրանիկ Քոչարյան