Ռուսաստանի դեմ պատերազմում ԱՄՆ-ը փորձում է զոհաբերել Արցախը եւ 120 հազար հայերին

Ներքաղաքական 7 Հուլիս, 2023 3:45

Վերջին մի քանի տասնամյակների ընթացքում ԱՄՆ-ն իր վրա է վերցրել համաշխարհային ոստիկանի առաքելությունը՝ պատժելով այն պետություններին և ժողովուրդներին, որոնք այս կամ այն կերպ խանգարում և խոչընդոտում են ԱՄՆ և իր դաշնակիցների միաբևեռ ավազակային համակարգի գործունեությանը։ ԱՄՆ-ն այդ քաղաքականությունն իրականացնում է այլ պետությունների դեմ ռազմական ագրեսիաների, այլոց ձեռքերով հրահրված պատերազմների և պետական հեղաշրջումների միջոցով։

2020 թվականի 44-օրյա պատերազմը և հետպատերազմյան գործընթացները ԱՄՆ-ի և իր դաշնակիցների, ըստ էության, ցեղասպան քաղաքականության շարունակությունն են։ Վերջին երեք տարիների ընթացքում ԱՄՆ-ի վերահսկողությամբ հայ-ադրբեջանական բանակցությունների հետևանքով (Վաշինգտոնի և Բրյուսելի միջնորդությամբ) Արցախը հայտնվեց լիակատար շրջափակման մեջ, Հայաստանի Հանրապետությունը կորցրեց մի շարք տարածքներ, իսկ Արցախում մեր հայրենակիցները հայտնվեցին ցեղասպանության սպառնալիքի առջև։

ԱՄՆ-ը և հայ-ադրբեջանական բանակցություններին միջամտող արևմտյան այլ պետությունների իշխանությունները չեն էլ թաքցնում, որ Արցախը իրենք տեսնում են Ադրբեջանի կազմում՝ Արցախի հայերի իրավունքների և անվտանգության վերացական պաշտպանության պայմանով։

Վերջերս հայտնի դարձավ, որ Վաշինգտոնը վերջնագրի տեսքով ստիպում է Արցախի ղեկավարությանը համաձայնել մոտ ապագայում ադրբեջանական կողմի հետ հանդիպմանը «երրորդ երկրում»՝ ամերիկացի վերահսկողի մասնակցությամբ։ Ավելին, եթե Արցախի ղեկավարությունը հրաժարվի նման հանդիպումից, ապա Արցախին սպառնում են Ադրբեջանի կողմից հակաահաբեկչական գործողության իրականացմամբ։

Հունիսի 15-ին Ռուսաստանի ԱԳՆ-ն, խոսնակ Մարիա Զախարովայի միջոցով, իր անհանգստությունը հայտնեց այդ կապակցությամբ, ինչն ապացուցում է այդ տեղեկատվության հավաստիությունը։

ԱՄՆ-ի պաշտոնական դիրքորոշման մասին հուլիսի 3-ին Հանրային հեռուստաընկերությանը տված հարցազրույցում հայտնեց Հայաստանում ԱՄՆ դեսպան Քրիստինա Քուինը, հայտարարելով, որ ԱՄՆ-ն հավատում է և հույս ունի, որ Արցախի ժողովրդի իրավունքներն ու անվտանգությունն երաշխավորված կլինեն Ադրբեջանի կազմում։

Այսպիսով, ԱՄՆ-ը, իր աշխարհաքաղքական հակառակորդների դեմ պատերազմում, չի վարանում զոհասեղանին դնել իր հերթական զոհին՝ Արցախին և 120 հազար հայերին։ Կոչ ենք անում Հայաստանի բոլոր ընդիմադիր քաղաքական ուժերին ցուցաբերել կոշտ հրապարակային դիրքորոշում ԱՄՆ-ի կողմից իրականացվող նման քաղաքականության վերաբերյալ։

«301-ի Խորհուրդ» նախաձեռնության համակարգող խումբ

Այս թեմայով

Նախանձում է. Զախարովան պատասխանել է Ալեն Սիմոնյանի՝ Բելառուսին ուղղված քննադատությանը

Գերմանիան արագորեն պատրաստվում է Ռուսաստանի հետ հնարավոր պատերազմի. Բեռլինում ՌԴ դեսպան

Ստեփանակերտի պատմական թաղամասը եւս ոչնչացվել է. Ահազանգում է նախկին պատգամավորը

Ձեզ կհիշեն երկիր վաճառած, իսկ նա հիշվելու է որպես Ամենայն Հայոց Կաթողիկոս՝ իր գործերով ու ներդրումներով՝ ի փառս Հայաստան ու Արցախ աշխարհների

ԵՄ-ն Երևանը վերածում է իր ֆորպոստի, փորձում են ազդել հունիսի 7-ի ՀՀ-ի ընտրությունների վրա․ Զախարովա