«Ընդդիմադիր» Թարվերդյանն իշխանությանը խիստ գնահատական տվողներին «էքստրիմիստ» է անվանում

Երկրի սրընթաց գահավիժումն ու դամոկլյան սրի պես առկախված պատերազմը մի կողմ, իսկ Երեւանի ավագանու դեռ չհայտարարված քարոզարշավը շարունակվում է՝ «как ни в чём не бывало» հունով: Պարզվում է` տարված նախընտրական քարոզարշավով` ընդդիմադիր դիրքերից հանդես եկող «Միացյալ Հայաստան» կուսակցության նախագահ ԵՐՎԱՆԴ ԹԱՐՎԵՐԴՅԱՆՆ անկեղծացել է ո՛չ ավել, ո՛չ պակաս Նիկոլ Փաշինյանի ընտանիքին պատկանող լրատվական կայքի հետ: Նա գլուխ է գովացել, թե իրենց նախընտրական ցուցակում ունեն մշակութային ոլորտի պատասխանատու, որը «բավական խիստ եւ անձնավորված գնահատականներ էր տալիս այսօրվա իշխանություններին», բայց երբ դարձել է իրենց թիմակիցը, նա անձամբ խնդրել է վերջինիս երեւույթներին գնահատական տալ եւ զարգացման հեռանկար զարգացնել:

«Հավատացեք, այդ էքստրեմիստ հասարակական գործիչը այսօր դարձել է քաղաքական թիմի շատ ռացիոնալ անդամ: Կրթական ոլորտում ունենք թիմակից՝ կուսակցության խորհրդի անդամ, որը նախկինում նորից անձանցից էր խոսում, այս թիմ մտնելով՝ սկսել է խոսել երեւույթներից, կրթական ծրագրերից»,- ընդգծել է Թարվերդյանը եւ հավելել, որ իր թիմակիցները մոռացել են անձանց մասին` ձեւակերպելով, որ իրենք պետության զարգացման մասին են մտածում:

Ըստ էության, Թարվերդյանը մեկ անգամ եւս երդում-պատարագ է տալիս Նիկոլ Փաշինյանին, որ իր հնչեցրած քննադատություններն անվանական ու հասցեական չեն լինելու, օդում շարունակելու է կրակել իր գնահատականներով, որոնք իշխանության դեմ ուղղված չեն, իրեն ընդամենը ավագանիում մի փոքրիկ տեղ է պետք` ընդդիմություն լինելու իմիտիացիա ստեղծելու համար: Ընդ որում` նա ընդամենը վերահաստատում է իր դիրքորոշումը, քանի որ դեռ մեկ տարի առաջ իր հարցազրույցներից մեկում ասել է. «Մենք Փաշինյանի հրաժարականը չենք պահանջում, ասում ենք փոխիր կադրերիդ»:

Թերեւս այսքանից հետո` հարց է ծագում, թե «задержка»-ն ինչո՞ւմն է, որ Երվանդ Թարվերդյանը չի համալրել Փաշինյանի գրպանային արտախորհրդարանական ուժերի շարքերը, այլ փորձում է տպավորություն թողնել, թե իբր թունդ ընդդիմադիր է ու պետության զարգացման մասին է մտածում` հավատալով, որ դա հնարավոր է Փաշինյանի վարչապետության օրոք: Հարցը, իհարկե, հռետորական է, դե էլիտար Թարվերդյանը հո էն «քխ» ընդդիմադիրներից չի, որոնց ինքը համարում է էքստրեմիստ: Ահա, թե ով է հավակնում Երեւանի քաղաքապետի պաշտոնին:

ՀՐԱՆՏ ՍԱՐԱՖՅԱՆ

Այս թեմայով Ծննդաբերելու նպատակով Միացյալ Նահանգներ զբոսաշրջային վիզայով չի թույլատրվում մեկնել. դեսպանատուն Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Շոգը նահանջում է, տեղումնաբեր ցիկլոն կներթափանցի Հայաստան․ ջերմաստիճանը կնվազի Վերսկսվել է Հայաստան բնական գազի մատակարարումը «Հյուսիսային Կովկաս – Անդրկովկաս» գազատարով Չէ՞, հա, իրո՞ք. Գեւորգ Սուջյանի պատասխանը Ալիեւին