ԲԴԽ անդամ Վիգեն Քոչարյանն այլեւս չի կարող արդարամիտ ու անկախ իրավաբանների սերունդ կրթել. ԵՊՀ-ականները կդիմեն ռեկտորին

«Հարգելի ընկերներ, ԵՊՀ-ի կայքում տեղադրված տեղեկատվության համաձայն` ԲԴԽ գիտնական անդամ Վիգեն Քոչարյանը շարունակունակում է դասավանդել ԵՊՀ-ի իրավաբանական ֆակուլտետում։ Մայր բուհը բացի կրթօջախ լինելուց, ինձ համար միշտ եղել է կարեւորագույն արժեհամակարգ ու գաղափարախոսություն ձևավորող հաստատություն։ Կարծում եմ, ԲԴԽ-ում Վիգեն Քոչարյանի գործունեությամբ պայմանավորված վերջինս այլեւս չի կարող արդարամիտ ու անկախ իրավաբանների սերունդ կրթել, հետեւաբար եւ չի կարող դասավանդել ԵՊՀ-ում, ինչով պայմանավորված առաջարկում եմ իրականացնել նախաձեռնություն ԵՊՀ-ի իրավաբանական ֆակուլտետում Վիգեն Քոչարյանի պաշտոնավարումը դադարեցնելու ուղղությամբ։

 

Շատ ցավում եմ, որ այսօր ստիպված եմ նման հրապարակում անել, Վիգեն Քոչարյանը տարիներ առաջ, երբ ԲԴԽ-ի հետ որեւէ առնչություն չուներ, եղել է իմ դասախոսներից մեկը եւ շատ պարկեշտ ու գիտակից անհատ, սակայն պետք է ժամանակագրությանն ու երեւույթների հետ հաշվի նստել, այսօր Վիգեն Քոչարյանը որդեգրել է պետականության, դատական իշխանության կազմաքանդման մարտավարությունը, ուստի` մայր բուհն՝ առնվազն ի դեմս նախկին ու ներկա ուսանողության, պետք է համահունչ գնահատական տա դասախոսի որդեգրած քաղաքականությանը, հասարակության յուրաքանչյուր անհատ իր դերին ու որդեգրած քաղաքականությանը համապատասխան արձագանք պիտի ստանա իր իրացրած քաղաքականության սպառողից։ Ովքեր համակարծիք են, կխնդրեմ գրառում թողնել, որից հետո կպատրաստեմ նամակ ԵՊՀ ռեկտորի եւ իրավաբանական ֆակուլտետի դեկանի անվամբ վերոնշյալ փաստակազմով պայմանավորված Վիգեն Քոչարյանի պաշտոնավարման դադարեցման համար:

 

Հ.Գ.- Նախաձեռնությանը կարող են միանալ ոչ միայն ԵՊՀ-ի ներկա ու նախկին ուսանողները, այլ նաեւ այլ ՀՀ այլ բուհ-երի ուսանողներ եւս, քանզի նախաձեռնության նպատակը ՀՀ-ում որակյալ իրավական արժեհամակարգ ու արժեհամակարգին համահունչ սերունդ դաստիարակող դասախոսներով համալրված մասնագետներ ունենալն է, այնպիսի դասախոսներ ունենալը, ով կմտնի համալսարան ու հարգանք կներշնչի ուսանողությանը: Հարգելի ընկերներ, միանալու դեպքում խնդրում եմ «քոմենթներ» դաշտում նշել «միանում եմ», – գրել է ֆեյսբուքյան օգտատեր ԴԻԱՆԱ ԳՐԻԳՈՐՅԱՆԸ: