Աչքիս՝ էլի «ռասկալդային» փոփոխություն կա, ինչ-որ ինտրիգի պիտի սպասենք. Արմեն Հովասափյանը` կառավարության նիստին Նիկոլի տարօրինակ խոսքի մասին

Նիստի սկզբում Նիկոլը խոսեց ԼՂ շուրջ ստեղծված իրավիճակից, ներկայացրեց «էթնիկ զտման և ցեղասպանության վտանգի» փաստի մասին, խոսեց Ֆրանսիայի նկատմամբ Ադրբեջանի կողմից կիրառվող հակաքարոզչության վերաբերյալ, ընդգծեց, թե «ինչքան կարևոր է կանխել միջազգային հարթակում ադրբեջանական նման քաղաքականության ռիսկերը, կանխել ու հակազդել դրանց»։ Ի դեպ՝ չմոռացավ շեշտել, որ «խաղաղության օրակարգն այընտրանք չունի», որ «ցավոք ՀՀ-Ադրբեջան խաղաղության պայմանագրի տեքստը դեռևս պատրաստ չէ» ու, որ «կանի ամեն ինչ՝ Բրյուսելում առարկայացնել Վաշինգտոնում արձանագրված դրականը»։ Էսօր մի նոր պնդում արեց, որի տակ, ես կասկածելի միտում եմ նկատում․ ասում ա՝ «որքան էլ ծանր լինի թե՛ քաղաքական, թե՛ բարոյական, թե՛ էմոցիոնալ, առումով մենք ինքնատիրապետումը, որևէ առումով, չպետք է կորցնենք»։ Աչքիս՝ էլի ռասկալդային փոփոխություն կա, ինչ-որ ինտրիգի պտի սպասենք։

Նիստի բուն հատվածն ավելի շատ լիրիկա էր հիշեցնում, քանի որ օրակարգում ներառված 64 հարցերից զեկուցվող 3-ը, դրված էին, որպեսզի ուղիղ 1 ժամ հով դահլիճում զրուցեն։ 1 ժամից ուղիղ կեսը նվիրված էր այգեգործությանը․ մի ահագին դասախոսություն կարդաց էդ թեմայով։ Ես նկատել եմ, սա հնի նկատմամբ մոլուցք ունի, պապենականության նկատմամբ՝ ատելություն․ թե բա՝ «պապական ծառերն արմատախիլ արեք, տեղը նոր տնկիներ դրեք»։ Հա, էս անգրագետն էսա 50 տարեկան ա, բայց էլի չգիտի, որ Արարատյանը ոչ թե դաշտավայր ա, այլ դաշտ՝ հարթավայր, ասեմ ավելին, գրեթե յուրաքանչյուր 5-րդ դասարանցի գիտի, որ ողջ Հայկական լեռնաշխարհում դաշտավայրեր չկան (դաշտավայր են կոչվում ծովի մակարդակից 200 մետր բարձրություն ունեցող տարածքները)։

Հետո նույն անբովանդակությունը՝ թոշակների բարձրացման մասին լոլոներ, անկանխիկ առևտուր, 500 դպրոց ու 300 մանկապարտեզի կառուցման մասին տաֆտալոգիա․ չմոռացավ թուղթը ձեռքին ֆռֆալ ՀՀ համայնքների բոլոր քուչեքում ու թվարկել, թե որտեղ ինչ լուսավորում, ջրագիծ ու ասֆալտ են փռել սուբենցիոն ծրագրերով։