Ինչու է աղմկում Թեւանյանը

ԱԺ «Հայաստան» խմբակցության պատգամավոր, «Մայր Հայաստան» շարժման համակարգող ԱՆԴՐԱՆԻԿ ԹԵՎԱՆՅԱՆԸ վրդովվել է լուրերից, թե Արցախի նախագահ Արայիկ Հարությունյանը նամակ է գրել ՌԴ նախագահին: Ավելին՝ «Ում պետք է նամակ գրի Արայիկ Հարությունյանը» վերտառությամբ գրառում է հրապարակել:

«Ասում են, որ Արայիկ Հարությունյանը նամակ է գրել Վլադիմիր Պուտինին: Նա նկարագրել է արցախահայության անելանելի վիճակը: Ակնկալել է օգնություն: Եթե Արայիկ Հարությունյանը նամակ չի գրում Նիկոլ Փաշինյանին ու վերջինիցս պատասխան չի պահանջում Արցախն Ադրբեջանի կազմում ճանաչելու եւ դրանով իսկ Արցախի պաշարմանը նպաստելու համար, ապա քանի՞ գրոշ արժե ուրիշից բան պահանջելը: Նամակն, ըստ այդմ, սխալ հասցեով է գրված: Թշնամին ներսից է: Այդ պայմաններում դրսից ինչպե՞ս կարելի է օգնություն ակնկալել», - գրել է Թեւանյանը:

Ի՞նչ մեղու է կծել Անդրանիկ Թեւանյանին, դժվար է ասել, բայց փաստ է, որ մշտապես ԱԺ ամբիոնից Ռուսաստանին ձոներգող ու ռազմավարական գործընկերությունը կարեւորող պատգամավորը  հանկարծ վրդովվել է, որ իրենից բացի՝ հյուսիսային շրջանակներին համարձակվել է դիմել Արայիկ Հարությունյանը: Արդյո՞ք նա դեմ է Արցախի համար Ռուսաստանին դիմելուն` սրանք հարցեր են, որոնց պատասխանները ժամանակը կտա…

Այս թեմայով Մայր աթոռը զրկվեց պետության հողամասերը սեփականության իրավունքով անհատույց օգտագործելու իրավունքից «Հրապարակ». Անդրանիկ Քոչարյանին գրանցել են, բայց անցողիկ տեղում կլինի՞ Կառավարությունն այլևս անհատույց սեփականությամբ հողեր չի տա Մայր Աթոռին Կառավարությունն այլևս Մայր Աթոռին անհատույց սեփականությամբ հողեր չի տա Ո՞վ է Մայր տաճարի մուտքի խոյակին մագլցած Վրեժ Դուրգարյանը, որը կոչ էր անում գրոհել եկեղեցին