ՀՀ-ն փորձում է ամեն կերպ ՌԴ-ին դուրս մղել բանակցային գործընթացից, եւ սա իհարկե առաջ է քաշում հարցեր` այդ թվում խաղաղապահ կոնտինգենտի մոտ. Անդրեյ Ռուսակով

Ինչո՞ւ են ռուս խաղաղապահները մի տեսակ անվճառական Լաչինի միջանցքի բացման հետ կապված հարցում հարցի պատասխանը «Իրական քաղաքականություն» հաղորդաշարի շրջանակներում փորձել ենք ստանալ Եվրոպա-ասիական հետազոտությունների կենտրոնի տնօրեն ԱՆԴՐԵՅ ՌՈՒՍԱԿՈՎԻՑ, ով նախ նկատեց.

-Նոյեմբերի 9-ի հայտնի համաձայնագրից հետո բոլորս վստահ էինք, որ խաղաղապահների տեղակայմամբ ի վերջո բոլոր կողմերը կնպաստեն խաղաղ կարգավորմանը, բայց մենք տեսանք, տեսնում ենք, որ այ՛ո, իրավիճակը ցանկալի սցենարով չգնաց: Թե ինչո՞ւ, այդ հարցին կարելի շատ երկար պատասխանել` բերելով մի շարք հանգամանքներ: Այսինքն խաղաղապահների ներկայությունը Արցախում ի սկզբանե միտված էր խաղաղության կարգավորմանը, ոչ թե բռնի գործողությունները կանխելուն, խաղաղապահները չունեն եւ չեն ունեցել ուժ կիրառելու մանդատ: Ես հասկանում եմ, որ շատերը ակնկալում են շատ ավելի գործուն քայլեր խաղաղապահներից, մասնավորապես Լաչինի միջանցքի բացման հետ կապված: Բայց, եկեք չմոռանանք, որ ՀՀ վարչապետը ոչ մեկ անգամ հայտարարել է, որ ՀՀ-ն ճանաչում է Արցախը, որպես Ադրբեջանի մաս, եւ այս պայմաններում խաղաղապահներին մնում է միայն բանակցել կողմերի հետ` բացառելով ուժային տարբերակը: Այ՛ո, ես հասկանում եմ, որ կարող է առաջանալ ողջամիտ մտահոգություն, որ խաղաղապահները ամեն դեպքում պետք է ավելի ակտիվ իրենց դրսեւորեն:

-Իսկ, չե՞ն կարող, ըստ Ձեզ:

-Ըստ իս խաղաղապահները անում են այն ինչ կարողանում են, մնացած գործառույթները առավել շատ կապված է կողմեր քաղաքական երկխոսությունից: Իսկ այսօր ՀՀ իշխանությունները փորձում են ամեն կերպ ՌԴ-ն դուրս մղել բանակցային գործընթացից, եւ սա իհարկե առաջ է քաշում հարցեր` այդ թվում խաղաղապահ կոնտինգենտի մոտ: 

-Ստեղծված իրավիճակում ի՞նչ ապագա է սպասվում Արցախին:

-Ինձ համար դժվար է ենթադրել եւ հստակ պատասխան տալ, ինչ խոսք, մեր ցանկությունն է, որ բոլոր հարցերը լուծվեն խաղաղ ճանապարհով: Բայց այս պահին մենք տեսնում ենք, որ խաղաղության պայմամագրի շուրջ ինչ-ինչ համաձայնություններ են ձեւավորվում, որոնք հրապարակային բնույթ չեն կրում, դժվար է ասել, թե ինչ է ենթադրում խաղաղության պայմանագիրը, ինչ երաշխիքներ ու ռիսկեր է պարունակում խաղաղության պայմանագիրը:

Մանրամասները «Իրավունք TV»-ի եթերում: