Եթե դու պատերազմի մեջ խոսում ես խաղաղությունից, արդեն պացիֆիզմ է. Արա Հակոբյան

Ընդամենն օրեր առաջ Ադրբեջանի զինված ուժերը դիմեցին հերթական սադրիչ ու ագրեսիվ գործողությանը, որի հետեւանքով զոհվեց 4 զինծառայող, Արցախում իրավիճակն օր օրի լարվում է: «Իրավունք TV»-ի տաղավարում «Ազգային օրակարգ» կուսակցության նախագահ ԱՐԱ ՀԱԿՈԲՅԱՆՆ ասաց, որ պատերազմը շարունակվում է:

— Հենց հիմա ռազմական գործողությունների մասին ենք խոսում, երբ ասում ենք, որ Ադրբեջանը հարձակվել է եւ Արցախում սպանել մեր չորս զինծառայողներին: Բա պատերազմը, ռազմական գործողություններն ուրիշ էլ ինչպե՞ս են լինում: Դու բանակցում ես խաղաղության մասին, նա այդ ընթացքում սպանում է քո զինվորներին ու բնակիչներին, զավթում է քո տարածքները: Կեղծ տպավորություն են ստեղծել, որ մենք պատերազմից դուրս ենք եկել, մինչդեռ շարունակում ենք մնալ պատերազմի մեջ: Ընդ որում` խոսքը ոչ թե 2020 թվականի պատերազմի մասին է, այլ դեռեւս 1992-94 թթ.-երի, ավելին` 1988 թվականից սկսված պատերազմի մասին է: Երբ եղավ 1994 թվականի զինադադարը կամ հրադադարը, չեղավ պատերազմի ավարտ, ընդամենը դադար էր: Հիմա ունենք արցախյան ոչ թե երրորդ պատերազմ, այլ արցախյան պատերազմի երկրորդ փուլ: Առաջին փուլը եղել է 1992-94 թթ.-ներին, հետո եղել են բախումներ, 2016 թվականն էլ կարելի է համարել, որպես պատերազմ, հաճախ այդպես է ձեւակերպվում, առնվազն լայնամասշտաբ ռազմական գործողություններ էին, բայց 2020-ին ունեցանք, ընդհանուր առմամբ` արցախյան պատերազմի երկրորդ փուլը, որը չի ավարտվել:  Պետք է հասկանալ, որ պատերազմը միայն ռազմական բովանդակություն չունի, այսօրվա տեխնոլոգիական աշխարհում այն հիբրիդային բովանդակություն ունի` տնտեսական, ազգագրական, մշակութային, քարոզչական, գաղափարաբանական եւ նաեւ ռազմական: Եվ եթե դու պատերազմի մեջ եղած վիճակում խոսում ես խաղաղությունից, դա արդեն խաղաղություն չէ, պացիֆիզմ է, հետեւապես դու ընտրանք չունես, բացի այն, որ այդ պատերազմում կպարտվես:

ՀՐԱՆՏ ՍԱՐԱՖՅԱՆ

Հ.Գ.- Հարցազրույցն ամբողջությամբ դիտեք տեսանյութում.

Այս թեմայով Իլհամ Ալիևը չի մասնակցի ԱՊՀ երկրների ղեկավարների ոչ ֆորմալ հանդիպմանը Պարույր Հայրիկյան, դու անպարտ ես. Աղմկահարույց գործերով հայտնի փաստաբանը հայտարարությամբ է հանդես եկել ՌԴ նախագահ Վլադիմիր Պուտինը կարևոր ազդանշան է հղել Արևմուտքին ՇՏԱՊ. Դիմում եմ ՀՀ իրավապահ մարմիններին՝ նախաձեռնելու քրեական վարույթ. Հայտնի փաստաբանի հայտարարությունը Բաքվի դատարանում շարունակվում է կեղծ դատավարությունը