Ալիեւը գնալու է ռազմական արկածախնդրության. Բալասանյան

«Ալիեւի մոտ կրկին հեգախանգարմունք է։ Այս անգամ նա հայտարարում է, որ Լեռնային Ղարաբաղը արհեստական կոնստրուկցիա է, որը ստեղծվել է Խորհրդային բռնակալ Ստալինի կողմից։ Այս մասին տեղեկանում ենք տելեգրամ ալիքներից։ Դրա հետ միաժամանակ տարածվում է տեղեկատվություն, որ օրերս ադրբեջանցիներն Արցախում իրականացնելու են «Վրեժ-3» հատուկ գործողությունը։ Անգամ մոտավոր ժամկետներն են նշում՝ հուլիսի 10-12, երբ տեղի է ունենալու ՆԱՏՕ-ի գագաթաժողովը։ Վուչիչն էլ է հայտարարություն տարածում ու նշում, որ նախատեսվում է հարձակում Կոսովոյի սերբերի վրա ու կրկին հիշատակում այդ ժամկետները։ Հիմա ամենից կարեւոր հարցը. ինչո՞ւ է Ալիեւը կրկին հիշել իր բնորոշմամբ Խորհրդային բռնակալ Ստալինին, եթե այդ որոշումը եղել է հօգուտ Ադրբեջանի: Ինչո՞ւ է խոսում Խորհրդային բռնապետությունից, եթե կարծես կա միջազգային կոնսենսուս Արցախը ճանաչել Ադրբեջանի մաս Խորհրդային տարածքներով կամ Հայաստանի հետ սահմանը գծել խորհրդային քարտեզով:

Ակնհայտ է, որ այս հայտարարության հասցեատերը Մոսկվան է։ Չնայած ադրբեջանանպաստ զարգացումներին՝ Ալիեւը գնալու է ռազմական արկածախնդրության։ Ոչ թե անգամ նրա համար, որ ինքն է այդպես ցանկանում։ Այլ նրա, որ իր տերերի կողմից ստացել է նման հրահանգ։ Սկսել Արցախում պատերազմ արցախահայերի ու զուգահեռաբար ռուս խաղաղապահների դեմ, ռուսական կողմին քաշել պատերազմի մեջ ու վերջապես բացել այդքան սպասված Երկրորդ ճակատը։ Ուկրաինայում հակահարձակումը շնչահեղձ է լինում։ Արեւմուտքն ունի դեմքը փրկելու եւ իրավիճակը ինչ որ կերպ շտկելու խնդիր։ Խաղադրույքները շատ բարձր են», - գրել է ԵՊՀ միջազգային հարաբերությունների եւ դիվանագիտության ամբիոնի դոցենտ, միջազգայնագետ ԳՐԻԳՈՐ ԲԱԼԱՍԱՆՅԱՆԸ:

Այս թեմայով Ռուսաստանը կարող է հարձակվել ՆԱՏՕ-ի անդամ երկրի վրա առաջիկա ամիսներին. Դանիայի պաշտպանության նախարար Չէ՞, հա, իրո՞ք. Գեւորգ Սուջյանի պատասխանը Ալիեւին ՀՀ-ի և Ադրբեջանի միջև խաղաղությունը համաշխարհային մասշտաբով աննախադեպ երևույթ է․ Ալիևը՝ դեսպանին 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան CNN. ԱՄՆ-ն քիչ էր մնացել, որ պատերազմ սկսեր Չինաստանի հետ