Աշխարհաքաղաքական իրողությունները Ադրբեջանի օգտին են այս պահին. Տարածաշրջանային փորձագետը Վաշինգտոնյան ակնկալիքների մասին

Ինչպես է գնահատում վաշինգտոնյան բանակցությունները՝ նկատի ունենալով պաշտոնական հաղորդագրությունները տարաշրջանային փորձագետ Արմեն Պետրոսյանը, փորձել ենք հետաքրքրվել վերջինիցս.

- Ի սկզբանե էլ պարզ էր, որ առարկայական արդյունքներ չեն արձանագրվելու։ ԱՄՆ-ի ու բացառապես հայկական կողմի հիմնական նպատակն էր այս բանակցային գործընթացն ակտիվ պահել, ու այդ համատեքստում, պետք է փաստել, որ չնայած Ադրբեջանի հարուցած բազմաթիվ խոչընդոտներին, այնուամենայնիվ, բանակցությունները տեղի ունեցան։ 

Ինչ վերաբերում է արդյունքներին, բնականաբար, կողմերի պաշտոնական գնահատականները հաշվի առնելով, որոշակի դրական առաջընթաց է արձանագրվել է պայմանագրի ոչ էական դրույթների կամ հոդվածների մասով, և, ինչը կարևոր է՝ գործընթացը շարունակական է լինելու, ու ԱՄՆ-ն շարունակելու է ներգրավված մնալ հարաբերությունների կարգավորման այս գործընթացում։ Ակնհայտ է, որ ամենաէական խնդիրների շուրջ էական համաձայնության չեն եկել։ 

-Ուրեմն ի՞նչ սպասել այս պայմաններում։

– Վստահ եմ, որ չի պահելու, որովհետև Ադրբեջանը նպատակ է հետապնդում ամեն կերպ հասնել բանակցային գործընթացի չեղարկման՝ Հայաստանին դրդելով նման քայլի։ Ակնհայտ է, որ Ադրբեջանը չի ցանկանում այս պահին ստանձնել պարտավորություններ բանակցային ցանկացած ձևաչափում, որոնք կսահմանափակեն իր հնարավորությունները բանակցություններից դուրս ավելին ստանալուն։ Իսկ աշխարհաքաղաքական իրողությունները, միանշանակ, Ադրբեջանի օգտին են այս պահին։