Շնորհակալ եմ չորրորդ իշխանությանը, որ անպատասխան չթողեց առերեւույթ վիրավորանքը. Հայտնի փաստաբանը անուններ է հնչեցնում

ՇՆՈՐՀԱԿԱԼԱԿԱՆ ԽՈՍՔ

Օրեր առաջ մի ասուլիսի ժամանակ անձիս նկատմամբ արտահայտություն էր արվել, որին անպատասխան չթողեց մամուլը։ Եվ այստեղ ոչ այնքան անձնավորված առերևույթ վիրավորանքն ու դրանից բխող իրավական հետևանքն է, այլ՝ չորրորդ իշխանության նման վերաբերմունքը, ի պաշտպանություն իրավապաշտպանի։
Խոստովանեմ, որ լավ զգացի՝ կարդալով միմյանցից տարբեր քաղաքական ուղղվածություն ունեցող լրատվության միասնաբար պաշտպանությունը։
Տարիներ առաջ որդուս՝ Տարոնիս  հարսանիքին ներկա էր պոզիցիոն և օպոզիցիոն ողջ էլիտան՝ երկրի Նախագահի և քաղաքական  ամենաընդդիմադիր գործչի մասնակցությամբ։ Ներկաները թող արձանագրեն, թե ինչ ուրախ, անկաշկանդ մթնոլորտում անցավ։
 Ահավասիկ, իմ՝ իրավաաշտպանիս ցանկությունն է տեսնել Հայաստանն ուժեղ, որին հասնելու համար անհրաժեշտ է լինել միասնական։
Շնորհակալ եմ չորրորդ իշխանությանը, ի դեմս Իրավունքի Հովհաննես Գալաջյանի, Հրապարակի Արմինե Օհանյանի, Արմամննյուզի, Լուրերի, հետաքննող, պրոֆեսիոնալ լրագրող Գայանե Զարգարյանի, լրագրող Իլոնա Ազարյանի, Գայանե Մանուկյանի, Սուսանի, Սյուզանի, Զվարթի, ում էլ որ մոռացա ... բոլորիդ սիրում եմ։

Փաստաբան Լևոն Բաղդասարյան