Փաշինյանի այս շոուն հերթական մանիպուլյացիան էր. Սեյրան Օհանյան

2020 թվականի սեպտեմբերի 27-ին սանձազերծված ռազմական գործողությունների հանգամանքների ուսումնասիրման նպատակով ստեղծված ԱԺ քննիչ հանձնաժողովի նիստում երեկ շարունակվեց Նիկոլ Փաշինյանի զեկույցի երկրորդ մասը: Անդրադառնալով վերոնշյալին` ԱԺ «Հայաստան» խմբակցության ղեկավար ՍԵՅՐԱՆ ՕՀԱՆՅԱՆՆ ասաց, որ քննիչ հանձնաժողովի նիստերը պետք է փակ անցկացվեին, իսկ Փաշինյանը հանձնաժողովի նիստում իր հերթական մամուլի ասուլիսը տվեց:

— Սա խոսում է այն մասին, որ ավելի բարձր դիրք է իրեն վերապահում, երկրորդը՝ քննիչ հանձնաժողովի իր հրապարակային խոսքը ոչնչով չի տարբերվում իր ասուլիսներից, հայտարարություններից, ԱԺ-կառավարություն հարցուպատասխանից եւ դրանց ընթացքում իր շեղող մանիպուլյացիաներից: Իրենք շեղելու են մեր հանրությանը, իրենք հիմք են նախապատրաստում` հերթական անգամ կուլ գնալու թուրք-ադրբեջանական տանդեմի խորամանկությանը: Իսկ ինչ վերաբերում է նրան, որ ինքը խոսում է մանիպուլյացիաներից, պատերազմի ժամանակ իրենց կատարած գործողություններից, միանշանակ է, որ նա բանակցային գործընթացի ամբողջ ներուժը, հավաքած ամբողջ պարունակությունը զրոյացրել է, սկսել է իր զրոյական կետից, որը բերել է պատերազմական գործողությունների: Ադրբեջանը, օգտվելով դրանից, գնացել է մարտական գործողությունների, իսկ ինքը ոչինչ չի արել պատերազմական գործողությունների ընթացքում մեր երկիրը համախմբելու, մոբիլիզացնելու, բանակին թիկունք կանգնելու համար: Իրավական համակարգը, դատաիրավական համակարգը, ուժային կառույցները ոչինչ չեն արել` պատերազմի դաշտում կարգուկանոն, օրինականություն հաստատելու, բայց պատերազմից հետո հանգամանքները դեռ չքննած՝ տեսեք` ովքեր են գեներալական եւ դրանց հավասար դասային աստիճաններ ստացել` միայն ու միայն իրավական եւ դատաիրավական ոլորտի մարդիկ: Չի կարող այս հանձնաժողովը ճիշտ գնահատական տալ, որովհետեւ իրենք մեծամասնություն են, եւ իրենք իրենց երգն են երգելու, իրենց կուրծքն են ծեծելու: Նիկոլ Փաշինյանի այս շոուն հերթական մանիպուլյացիան էր` հանրությանը շեղելու իրական օրակարգերից:

Այս թեմայով Կառավարական ինքնաթիռը մեկնել է Սոֆիա՝ տեխսպասարկման․ «Հետք» 44-օրյային զենքի խնդիր չենք ունեցել, տենց բան չի եղել, կասկա, բրոնի ժիլետի պակաս ա էղել. Փաշինյան Նիկոլը Սիսիանից քոռ ու փոշման հետ գնաց «Ուժեղ Հայաստան» կուսակցության Շիրակի գրասենյակներում խուզարկություններ են ընթանում «Իրավունք». ՔՊ-ական մարզպետներն իրար մեջ սկսել են դժգոհել Փաշինյան Նիկոլից