ՌԴ-ում մայրը բարձով խեղդամահ է արել 3-ամյա դստերը, Ադրբեջանում եղբայրը սպանել է քրոջը

Կուզբասի բնակչուհին բարձով խեղդամահ է արել երեք տարեկան դստերը. այս մասին հայտնել են ՌԴ Կեմերովոյի մարզի քննչական կոմիտեից։

Հանցագործությունը տեղի է ունեցել Նովոկուզնեցկի շրջանի Սոսնովկա գյուղում հունիսի 20-ի առավոտյան։ Նշվում է, որ 37-ամյա կինը բարձ է դրել երեխայի դեմքին և պահել այնքան, մինչև երեխան դադարել է կենդանության նշաններ ցույց տալ։

Ռուս կնոջ նկատմամբ քրեական գործ է հարուցվել ՌԴ քրեական օրենսգրքի 105-րդ հոդվածի 2-րդ մասի 3-րդ կետով (անչափահասի սպանություն)։

Նրան սպառնում է մինչև 20 տարի ազատազրկում:

Հունիսի 24-ին, ժամը 19:00-ի սահմաններում, ոստիկանություն տեղեկություն է ստացվել, որ Ադրբեջանի Բարդայի շրջանի տներից մեկում դանակի հարվածներից մահացել է Հասանովա Վաֆա Նուրադդին Գիզին (ծնված 1988 թ.)։

Ինչպես հաղորդում է Ադրբեջանի ՆԳՆ մամուլի ծառայությունը, հանցագործության մեջ կասկածվող նրա եղբայր Հասանով Հասան Նուրադդին օղլուն (ծնված 1986 թ.) բերման է ենթարկվել ոստիկանության աշխատակիցների կողմից։

Փաստը նախաքննության փուլում է։