Ո՞վ է iPhone 13 pro max-ի պատճառով սպանված 42-ամյա կինը. լուսանկարներ

Օրեր առաջ ոստիկանության Կոտայքի բաժին հաղորդում տված քաղաքացին հայտնել էր, որ քույրը՝ 1981 թ. ծնված Նվարդ Նալչաջյանը, հունիսի 18-ին՝ ժամը 19-ին, դուրս է եկել Պտղնի գյուղի Ամառանոցային թաղամասի 2-րդ փողոցի իր տնից և չի վերադարձել: Աբովյանի քննչական բաժնում նախաձեռնվել է քրեական վարույթ: Ձեռնարկված միջոցառումների արդյունքում պարզվել է, որ Նվարդ Նալչաջյանին սպանել է Արմավիրի մարզի Փարաքար գյուղի 18-ամյա մի բնակիչ՝ iphone 13 pro max-ին տիրանալու համար։ Oragir.News-ին պարզ դարձավ, որ Նվարդ Նալչաջյանը կենդանասեր էր, խնամում էր անտուն, թափառող կենդանիներին։ Ֆեյսբուքյան տարբեր օգտատերեր կիսվել էին Նալչաջյանի ֆեյսբուքյան լուսանկարներով և ափսոսանք հայտնել։