Փաստորեն, սխա՞լ են զեկուցել

Երեկ Փաշինյան Նիկոլը 44-օրյա պատերազմի հանգամանքները քննող հանձնաժողովում հերթական խայտառակ ելույթից բացի, նաեւ մեկ այլ հերթական խայտառակության մասին բացահայտում կատարեց, որը բոլորիս համար պարզ էր, սակայն այլ է, երբ ինքը` մեղավորն է խոստովանում, այլ` որ մնացյալն են գլխի ընկնում:

Փաշինյանը պատմեց, որ Շուշիի անկման վերաբերյալ Գլխավոր շտաբը տեղեկացրել է, որ ամեն բան գտնվում է իրենց վերահսկողության ներքո, սակայն Արցախի նախագահը վստահեցրել է, որ Շուշին անկում է ապրում: Ու Փաշինյանը նաեւ դժգոհեց, որ պատերազմի ժամանակ նման դեպքերը տասնյակով են եղել:

Շատերը հիշում են, որ 2018 թվականին «Մարիոթ» հյուրանոցում Փաշինյան-Սարգսյան հայտնի «բանակցությունների» ժամանակ, ընդիմադիր Փաշինյանը հեգնում էր Սարգսյանին` ասելով, թե իրեն սխալ են զեկուցում, որ հանրապետությունում իրավիճակ է փոխվել: Անշուշտ, վարչապետ դարձած Փաշինյանն այսօր իր հեգնումների մասին դժվար հիշի, բայց պետք է հասկացնել պետական այրին, որ եթե իրեն սխալ են զեկուցում, ու ինքը դա խոստովանում է, այլ ոչ թե իրեն ընդդիմությունից են ասում, նշանակում է իր ղեկավար կարգավիճակը զանց է առնվում: Դեռ չենք խոսում այն հանգամանքից, որ զեկուցողները չեն լինում «խոռով», դրանք հատուկ անձինք են, ովքեր տարբեր տեղերից ճշտում են հավաստի տեղեկատվությունը ու նոր մատուցում բարձրաստիճան այրին: Մի՞թե այս կարեւոր հանգամանքը քննիչ հանձնաժողովի աչքից վրիպեց, թե՞ Քոչարյան Անդրանիկն այդ ամենը կազմակերպել էր հեքիաթների հերթական սեզոնը ապահովվելու համար: Ինչո՞ւ են մարդկանց խաբում, թե մեկը սխալ էր բանակցել, մյուսը սխալ էր զեկուցել, մեկը փախել էր, մյուսը վախեցել էր, մեկը չէր գնացել Արցախ, իրեն վրա հարձակվել էին…

Ո՞ւմ է հետաքրքիր այս բոլոր պատճառաբանությունները, ինչո՞ւ պետք է ղեկավար մարդը դժգոհի իր աշխատակազմից, չէ որ ինքն է նրանց նշանակում ինքն էլ նրանց աշխատանքի որակի պատասխանատուն է: Եթե մեկը սխալ է արել, ուրեմն` այդ սխալի գլխավոր պատասխանատուն նշանակողն է, ի՞նչ պետք ունենք մենք լսելու այս սուտլիկ պատմությունները: Ինչո՞ւ Փաշինյանը նույն այդ հանձնախմբի ժամանակ չի ներկայացնում, թե ինչու նա իր առաջին օրվա ելույթով թեւաթափ արեց կռվող մեր տղաներին, ի՞նչ իրավունք ուներ երկրի թիվ մեկ ղեկավարը կամ ինչպես ինքն է իրեն ասում` գերագույն հրամանատարը նման բարոյալքող տեքստեր արտասանել: Ինչո՞ւ քննիչ հանձնախումբը չի խոսում նրա մասին, որ Փաշինյանը պատերազմի օրերին այլ երկրների միջնորդությամբ շուրջ երեք բանավեճ է ունեցել Ալիեւի հետ, ու բոլորը տապալել է ու սրա մեղավորը հաստատ սխալ զեկուցողները չեն, այլ անկիրթ ու անսկզբունք բանակցողն է: Այս ի՞նչ հեքիաթ են մատուցում ժողովրդին:

ՀՐԱՆՏ ՍԱՐԱՖՅԱՆ

Այս թեմայով Նիկոլ Փաշինյանն այս կիրակի պատարագի կմասնակցի Գառնիի Սուրբ Աստվածածին եկեղեցում Փաշինյանը նշեց Ալիևին անընդհատ շնորհակալություն հայտնելու պատճառները. Տեսանյութ Պուտինի հետ քննարկել ենք տարածաշրջանի դրական փոփոխությունները և նոր հնարավորությունները․ Փաշինյան Ալիևին շնորհակալություն եմ հայտնում, որովհետև երեք կարևոր արգելք է հանվել. Փաշինյան Փաշինյանի թրի տակով անցած եպիսկոպիսներից մի քանիսը զադնի են դրել. Աղբյուր