Չեմ դադարեցնելու հացադուլը` մինչեւ Ֆրանսիայի կոռումպացված դեսպանը չլքի Երեւանը. Նիկոլյան

«Իրավունքն» այցելել է ֆրանսիահայ հետաքննող եւ ռազմական լրագրող ԼԵՈ ՆԻԿՈԼՅԱՆԻՆ, որն արդեն երրորդ օրն է, ինչ ՀՀ-ում Ֆրանսիայի դեսպանատան դիմաց հացադուլ է իրականացնում: Ի՞նչ պահանջով է իրականացնում հացադուլը եւ մինչեւ ե՞րբ է պատրաստվում մնալ դեսպանատան դիմաց, հետաքրքրվեցինք նրանից:

— Ֆրանսիայի կառավարությունը, նախագահ Էմանուել Մակրոնը մեղք չունեն, սխալվել են, բայց ամենակեղտոտ ու կոռումպացված անձնավորությանն են ուղարկել Հայաստանում իբրեւ դեսպան: Նա մինչեւ Հայաստանում դեսպան նշանակվելը` խնդիրներ է ունեցել Կոլումբիայում, բայց անդրադառնամ, թե ինչով է զբաղված այստեղ: Հայաստանում դեսպանը պետք է ներկայացնի միայն Ֆրանսիայի շահերը, մինչդեռ կաշառք է ստանում, որպեսզի մեր ռազմական գաղտնիքներն իր ամուսնու միջոցով փոխանցի Բաքվին: Միլիոններ է փոխանցվում նրան Հոնկոնգի HSBC բանկի հաշվեհամարով, եւ այդ գումարները Ֆրանսիայի կառավարությունից չեն հարկվում: Պարոն Նիկոլ Փաշինյանն ասում է` կոռուպցիան Հայաստանում պետք է արմատախիլ արվի, ուստի` խնդրում եմ պարոն վարչապետին ինքն էլ մի հայտարարություն անի: Նա շատ լավ տեղյակ է այս մասին, ես կառավարությանը, մի քանի նախարարներին մի քանի ամիս առաջ եմ դեռ տեղեկացրել: Բայց ուզում են այս ամենը ծածկեն, որպեսզի մամուլը չխոսի այս մասին: Սակայն իրականությունը պետք է բարձրաձայնվի` Ֆրանսիայի դեսպանատանը գտնվում է մի անձնավորություն, որը չի պաշտպանում Ֆրանսիայի շահերը, այլ ֆինանսական շահեր է հետապնդում: Դրա համար հացադուլ եմ իրականացնում դեսպանատան դիմաց եւ մնալու եմ այստեղ օրուգիշեր` մինչեւ դեսպան Անն Լույոն լքի Երեւանը: Տեսնենք, մեկ ամիս հետո` հուլիսի 14-ին, Ֆրանսիայի անկախության օրը ինչպե՞ս է նա նշելու, երբ հարյուրավոր հյուրեր տեսնելու են, թե ես այստեղ ինչ վիճակում եմ, եթե արդեն մահացած չլինեմ: Ինչպես ասում էր Մոնթե Մելքոնյանը` պայքար մինչեւ վերջ: Այս պայքարը լեգիտիմ է, ու ես տանելու եմ մինչեւ վերջ, ուրիշ տարբերակ չունեմ:

ՀՐԱՆՏ ՍԱՐԱՖՅԱՆ

Այս թեմայով Նրան սոցիալապես սպանում են. Լեո Նիկոլյանի առողջական վիճակը ծանր է Նիկոլյան «խաղաղության» գինը. Ալիեւը հիմա էլ պահանջում է արոմակայանը փակել Մահացել է Լեո Մեսսի հայրը` Խորխե Մեսսին ԱՄՆ-ն բոլորին կոչ է արել դուրս գալ Հռոմի ստատուտից, որը նիկոլյան իշխանությունները ոգեւորված ընդունել էին 2023թ.-ին Մեսսին` Աշխարհի առաջնության լավագույն ֆուտբոլիստ