Միակ բանը, որն այս իշխանության մոտ չի ստացվել մինչ այսօր, միանգամից Արցախը բռնակցելն է Ադրբեջանին. Ալավերդյան

Ներքաղաքական 13 Հունիս, 2023 22:15

Կենտրոնական ընտրական հանձնաժողովը ստացել է 66 քաղաքացիների դիմումը՝ ՀՀ քրեական օրենսգրքում լրացում կատարելու մասին նախագիծը քաղաքացիական նախաձեռնության կարգով առաջարկելու նպատակով նախաձեռնող խումբ կազմավորելու վերաբերյալ: Խոսքը «Հայաքվե» նախաձեռնության մասին է, որն Արցախի ինքնորոշման մերժումը քրեականացնող օրենքի նախագիծ է փորձում կյանքի կոչել` ՀՀ քաղաքացիների կամարտահայտության միջոցով: Ըստ այդ նախագծի` ծանր պատիժ է նախատեսվում ՀՀ անունից Արցախն Ադրբեջանի մաս ճանաչող եւ Հայոց ցեղասպանության նշանակությունը նսեմացնող գործողությունների համար:

ՀՀ մարդու իրավունքների առաջին պաշտպան ԼԱՐԻՍԱ ԱԼԱՎԵՐԴՅԱՆԻ գնահատմամբ` այն, որ ՔՊ-ականները, լինելով մեծամասնություն, կարող են մերժել դիմումը, ոչ մեկի համար զարմանալի չէ:

— Խնդիրն այն է, որ այդ գործընթացի ժամանակ երկու բան է տեղի ունենում: Առաջին. ժողովուրդը` այն 82 տոկոսը, որ ասում են` դեմ են, որ Արցախը լինի Ադրբեջանի կազմում, ամեն մեկը պատասխանատվություն է իր վրա վերցնում այն գործընթացների համար, որոնք այսօր արվում են հակառակ ժողովրդի կամքի: Երկրորդ. դիմումը մերժելը շատ մեծ նշանակություն ունի, որովհետեւ նշանակում է, որ այս իշխանություններն այլեւս չեն թաքցնում, թե ինչի համար են եկել: Ես 2018 թվականից պնդում էի, որ իրենք եկել են` ոչ թե չունենալով ծրագիր, այլ շատ պարզ ծրագրով են եկել: 2020 թվականի նոյեմբերի 10-ին ասացի՝ միակ բանը, որն իրենց մոտ չի ստացվել մինչ այսօր, միանգամից Արցախը բռնակցելն է Ադրբեջանին: Հիմա իրենք դա անում են մի քանի քայլով:

https://iravunk.com/sim/?p=258058&l=am/

Այս թեմայով

Եթե այս վաստակաշատ մարդու պես մի հազար հոգի նվիրյալ կառավարիչներ լինեն կապրենք այլ Հայաստանում.Հայտնի փաստաբանի ուշագրավ գրառումը

Նախընտրական բենզին՝ ադրբեջանական բույրով

Առաջին անգամ Զելենսկին հրապարակել է խաղաղության ծրագրի 20 կետի ամբողջական ցանկը

Ադրբեջանական բենզինի թաքնված ականները. Մեկնաբանում են տնտեսագետները

Ահա թե ինչու ոչ մի դեպքում չի կարելի տանը պահել մահացած մարդու լուսանկարը