«Բարոյական արժեքներն» էլ առաջվանը չեն

Երեւանի ավագանու ընտրություններին ընդառաջ կամաց-կամաց ավելանում են քաղաքապետի թեկնածուների շարքը: Պարզվում է՝ ընդամենը մեկ տարի առաջ գրանցված «Բարոյական արժեքներ» կուսակցությունն էլ է որոշել մասնակցել ընտրություններին: Ըստ կուսակցության վարչության նախագահ ԱՐՄԵՆ ՄԵԼԻՔՍԵԹՅԱՆԻ, իրենք գալիս են կյանքի կոչելու «հեղափոխական գաղափարները»:

«Մենք պատրաստվում ենք առաջիկայում մեր քաղաքական առաջին քայլն անել՝ մասնակցելով Երեւանի ավագանու ընտրություններին, հետեւեք մեր գործունեությանը եւ կհամոզվեք, որ շատ երկար եք սպասել մեզ», - ասում է Մելիքսեթյանը:

Անսալով նորաթուխ կուսակցական ղեկավարի հորդորներին՝ որոշեցինք ուսումնասիրել Ա. Մելիքսեթյանի սոցցանցային գործունեությունն ու համոզվել, թե իրո՞ք երկար էինք սպասել այս կուսակցությանը: Իսկ նրա էջում գտանք ոչ այնքան «Բարոյական արժեքներ» կուսակցության ակտիվության մասին տեղեկություն, որքան ՔՊ-ական պատգամավոր Հակոբ Ասլանյանի հարցազրույցները, ջերմ լուսանկար ինչպես նրա, այնպես էլ Նիկոլ Փաշինյանի ու Աննա Հակոբյանի հետ, էլ չասենք, որ իր էջում տեղ էր գտել ո՛չ ավել, ո՛չ պակաս գրառում «Հայոց լեգենդ Նիկոլ Փաշինյան» ֆեյսբուքյան էջից: Այո՛, որքան էլ տարօրինակ է, բայց ստացվում է, որ մեր օրերում «Բարոյական արժեքների» հետեւում էլ կարող են լինել պրոփաշինյանական ուժեր:

ՀՐԱՆՏ ՍԱՐԱՖՅԱՆ

Այս թեմայով ՈՒՂԻՂ. Համախմբվում են որ ի՞նչ անեն․ Հայկ Բաբուխանյան Եթե այս կիրակի ընտրություն լինի՝ ՔՊ՝ 24.3%, «Ուժեղ Հայաստան»՝ 8.5%, «Հայաստան»՝ 6.7%, ԲՀԿ՝ 3.3% Որ ուժերն են մասնակցում Կարապետյանի տան հավաքին Ովքեր են Գևորգ Ստեփանյանի մեքենան հրկիզելու պատվիրատուները․ բացառիկ մանրամասներ․ «Իշխանություն» Այստեղ է Նիկոլի հիմնական բլեֆը, որ ով դեմ է Սահմանադրության փոփոխությանը, նա պատերազմ է ուզում