Պետք է փրկել հայրենիքն այս մահաբեր իշխանությունից. ԳԱՅԱՆԵ ՆԵՐՍԻՍՅԱՆ

«Իրավունք TV»-ի տաղավարում զրուցել ենք «Ուժեղ Հայաստան Ռուսաստանի հետ. հանուն նոր Միության» շարժման խորհրդի անդամ, ՀՀ վաստակավոր արտիստ, երգչուհի ԳԱՅԱՆԵ ՆԵՐՍԻՍՅԱՆԻ հետ:

— Տիկին Ներսիսյան, Դուք տարիներ շարունակ պայքարում եք ներկայիս իշխանության դեմ: Ի՞նչ-որ արդյունքի հասե՞լ եք:

— Ոչ… ես չգիտեմ, թե մենք երբ ենք այն վերջնակետին հասցնելու, որովհետև հիմա բոլորս հասկանում ենք, որ հայրենիքն ուղղակի արյունաքամ է լինում: Եվ որևէ մեկն իրավունք չունի հոգնելու պայքարից: Եթե մենք հոգով հայ ենք, ուրեմն պետք է պայքարենք մինչև վերջ այս մահաբեր իշխանության դեմ, մինչև որ կարողանանք փրկել մեր հայրենիքը: Շատ սարսափելի է մտածել, որ աշխարհի հնագույն ժողովուրդը կարող էր ինչ-որ ձևով կանգնել այսպիսի ողբերգության առջև: Մեր արժանապատվությունն այնքան ոտնահարեցին, որ հնարավոր չէ այս ամենին անտարբեր ու հանգիստ նայել:

— Ներկա վիճակում կան մարդիկ, որոնք հիասթափված են և՛ընդդիմությունից, և՛իշխանությունից և համախմբվելու համար երրորդ ուժ են փնտրում: Դուք կողմ եք ընդդիմությա՞նը, թե՞ երրորդ ուժին:

— Բնականաբար, ես ընդդիմության կողմնակիցն եմ: Կարծում եմ, որ այսօր ընդդիմությունը պետք է համախմբվի` անկախ նրանից, թե ով ում հետ է լավ հարաբերությունների մեջ:

— Այսօր երկրում տարվում է հակառուսական քաղաքականություն: Դուք ի՞նչ կարծիք ունեք:

-— Շատ վատ կարծիք ունեմ… Քանի այս ազգադավ պատուհասը կառավարիչն է մեր երկրի, հակառուսական տրամադրությունները շատ արագ տարածվում են: Եվ սա շատ վտանգավոր է: Մենք պետք է գիտակցենք, որ ռուսը մեր դարավոր բարեկամն է: Եվ հետո պետք է հաշվի առնենք, որ Ամասիայից մինչև Մեղրի կանգնած են ռուս սահմանապահները: Նրանք են պահպանում Արցախի անվտանգությունը:

— Դուք ասում եք՝ պետք է գիտակցենք, իսկ գիտակից մասսա՞ն է այսօր շատ, թե՞ հակառակը:

— Ես միշտ բարձր կարծիք եմ ունեցել մեր ազգի ինտելեկտուալ տրամաբանության վրա: Ցավով եմ ասում, բայց չգիտեմ ինչու է մեր ժողովուրդը անտարբեր դարձել: Ինչո՞ւ է մեր տրամաբանությունն այսպես փոխվել: Մի՞թե դժվար է տարրական բաներ գիտակցելը և անընդհատ չպախարակել հայ-ռուսական հարաբերությունները: Ես կարծում եմ` ովքեր այդպես են մտածում, ազգը դավում են: Եթե այս պահին չլինի հայ- ռուսական կապը և Ռուսաստանի օգնությունը, մենք արդեն վաղուց ի վեր չէինք կարող գոյատևել:

— Դուք համարձակ արտահայտվում եք: Այսօր այն մշակույթի գործիչը, որը կանգնում է որևէ ուժի կողքին, ասում են վաճառված է այսինչ կամ այնինչ կուսակցությանը: Դուք ինչպե՞ս եք վերաբերվում նման խոսակցություններին:

— Տարիներ շարունակ Արցախի նկատմամբ վերաբերմունքն այսպիսին էր` եթե Արցախը չլինի, ուրեմն լավ կապրենք, ինչպես որ առաջին նախագահն էր ասում: Եվ այդ ուղղությամբ անընդհատ աշխատեցին: Անընդհատ տրամադրեցին, փնովեցին, չարախոսեցին, որն էլ բերեց մեզ այսպիսի ողբերգության: Այդ չարախոսությունները չպետք է լինեին: Դրանով մենք Աստծո առաջ մեղք գործեցինք: Աստված ասում էր` ձեզ երկու պետություն եմ տվել, արժանապատիվ ապրում եք: Մենք պետք է կարողանայինք այդ ամենը գնահատել: Մենք պետք է կարողանայինք գնահատել մեր հերոսներին, որոնք իրենց արյան գնով պայքարեցին մեր պատմական հողերի համար: Արժանապատիվ ապրում էինք:

— Հերոսներից ոմանք դարձան քաղբանտարկյալներ: Ի՞նչ կասեք այս մասին:

— Ես մեկ-մեկ նմանեցնում եմ այս ժամանակները 1937 թվականի հետ: Երբ գոյություն ունեին  «տրոյկաներ», որոնք անմեղ մարդկանց գալիս էին տանում ու սարսափելի կտտանքների էին ենթարկում, ու նրանցից շատերը չէին վերադառնում: Հիմա կարծես թե այդ 1937 թվականը լինի: Վերացնում են այն մարդկանց, ովքեր ազգին պիտանի են: Զարհուրելի բաներ են կատարվում` ո՞նց կարելի է զոհվածի ծնողին փայփայելու փոխարեն՝ կալանավորել: Այս մահաբեր իշխանության ծրագիրը հետևյալն է` վերացնել հայ ժողովրդին և մեր սուրբ հողը հանձնել թուրքերին:

— Վերջերս Հանրային հեռուստատեսությամբ Կոմիտասի մասին հնչեցրած կարծիքի մասին ի՞նչ կասեք:

— Իհարկե՝ Կոմիտասի մասին ասվել է տխմար, ազգադավ, անթույլատրելի նախադասություն: Ուզում են ժողովրդի մեջ տարածել, որ մեր ժողովուրդը երգել է մուղամ, և դրանով մեզ մոտեցնեն թուրքերին:

Նա գիտակցաբար այդպիսի արտահայտություն արեց, դրանով ցանկանալով իր դրական վերաբերմունքը ցույց տալ ներկայիս այս ազգադավ իշխանությանը: Սրբապղծել Կոմիտասին, որը մեր դասական երաժշտության հիմքն է` դա կոնկրետ դավաճանություն է: Իսկ Առաջին ալիքը պատկանում է ներկայիս մահաբեր իշխանությանը և, բնականաբար, նրանք ասում են այն, ինչ այս իշխանության կողմից է թելադրվում:

— Կադաստրի վկայականի մասին ի՞նչ կասեք:

— Ինձ թվում է՝ ինքը ստերի տոպրակ ունի և օրը մի քանի անգամ այդ ստերի տոպրակից հանում և տարածում է ժողովրդի մեջ: Աշխարհում չի եղել որևէ մի ղեկավար, որն իր ժողովրդին ասի` դուք ձեր հողում ապօրինի եք ապրում: Եվ պետք է ձեզ կադաստրի վկայական տանք, որ դուք ապրեք: Դա ասելով՝ նա չի հասկանում, որ խոսքը գնում է հնագույն ժողովրդի մասին, որն ապրում է իր պատմական տարածքում: Ամեն ինչով փորձում է գոհացնել թշնամուն: Նա եկել է քանդելու Հայաստանը, վերացնելու հայ ժողովրդին և գոհացնելու թշնամուն:

ՆՈՒՆԵ ԶԱՔԱՐՅԱՆ

Այս թեմայով ՔՊ-ականների մեջ չգտնվեց ինչ-որ մեկը, որ ունենար հային բնորոշ արժանապատվություն. Գայանե Ներսեսյան Այս գլխացավը առաջին լուրջ ահազանգն է. «Բժշկի մոտ» նյարդաբան Գայանե Վարդանյանն է ՀՀ վաստակավոր արտիստ Գայանե Ներսիսյանը կրկին դիմել է դատական համակարգին Հայ ժողովուրդն ամուր կանգնած է Հայոց եկեղեցու թիկունքում․ ՀՀ վաստակավոր արտիստ Զրկում եք անչափահաս երեխային մոր խնամքից, 85-ամյա մորը՝ դստեր հետ առնչվելուց, մի՞թե չունեք խղճի նշույլ․ ՀՀ վաստակավոր արտիստ