Նիկոլի ոտքերի տակ հողը պետք է այրվի, որտեղ էլ նա լինի. Արմեն Աշոտյան

ՀՀԿ-ն ի՞նչ գործողություններ է պլանավորում երկրում ստեղծված օրհասական վիճակից դուրս գալու համար հարցին ի պատասխան` ՀՀԿ փոխնախագահ ԱՐՄԵՆ ԱՇՈՏՅԱՆԸ հիշեցրեց` 2018 թվականից իրենք բարձրաձայնում են, որ Նիկոլ Փաշինյանի` երկրի ղեկավար լինելը հոմանիշ է Արցախի կորստի:

— Ցավոք, մեր բոլոր կանխատեսումներն իրականություն են դառնում: 44-օրյա պատերազմից հետո` արցախուրացությունը եւ հայկական շահերի հաշվին սեփական կարիերան առաջ տանելու մոլուցքը Նիկոլի մոտ դարձավ էլ ավելի հիվանդագին: ՀՀԿ-ն տարբեր ուղղություններով աշխատանք է տանում: Մեծ թափ է ստացել ստորագրահավաքը. ոմանք ասում են` ինչո՞վ է կարեւոր: Շատ կարեւոր է ստորագրահավաքը: Ստորագրահավաքը ներսի համար չէ, անգամ եթե ներսի համար դիտարկենք, մարդիկ պետք է տեսնեն, որ իրենք մենակ չեն, եւ ստորագրահավաքները գալիս են ամրապնդելու սոցիոլոգիական այն հետազոտությունները, որ ժողովուրդը դեմ է Արցախի հանձնմանը, դեմ է Նիկոլի վարած քաղաքականությանը: Երկրորդը` ստորագրահավաքն ուղղված է արտաքին աշխարհին: Կարող է ներսում դա շատ ցիվիլ գործիք է համարվում, բայց եվրոպական, միջազգային հանրության համար, քաղաքացիների նման մասսայական ստորագրությունները քաղաքական լուրջ ակցիա են, որ հայ ժողովուրդը դեմ է այն ամենին, ինչ անում է Նիկոլը: Նիկոլի ոտքերի տակ պետք է հողն այրվի` որտեղ էլ, որ նա լինի՝ Սոչիում, Վաշինգտոնում, Բրյուսելում… Չկա մի տեղ, որտեղ գոնե երկու հայ չկա: Կարծում եմ` անգամ այդ երկու հայը  պարտավոր են իրենց ձայնը բարձրացնել եւ այրել Նիկոլի տակի հողը` կապ չունի այն կլինի եվրոպական, ռուսական, թե ամերիկյան: Եվ, իհարկե, շատ կարեւոր է, որ այսօր քաղաքական բոլոր դիտարկումները դրվեն մի կողմ, որովհետեւ  այն վիճակը, որում հայտնվել ենք, քաղաքական ճգնաժամ չէ, այլ արժեհամակարգային, գոյաբանական ճգնաժամ է: Հետեւաբար, ստանդարտ գործիքներով՝ ընդդիմություն-իշխանություն, ընտրություններ-անվստահություն եւ այլն, այս խնդիրը չի լուծվելու, այն լուծվելու է ժողովրդի համար արժեհամակարգային եւ գոյաբանական պայքարում:

— Առաջիկայում տեղի է ունենալու Երեւանի ավագանու ընտրությունները: ՀՀԿ-ն հստակեցրե՞լ է իր դիրքորոշումը` մասնակցության հարցում:

— Կուսակցությունը դեռ որոշում չի կայացրել` մասնակցության հետ կապված: Անկեղծ խոսենք, վիճակն աննորմալ է, մասնակցենք, որ ի՞նչ անենք, եթե դրանով մի քայլ չենք մոտենալու Նիկոլի իրական հեռացմանը եւ չենք կարողանալու մոբիլիզացնել հանրային հականիկոլական կարծիք՝ ընդդեմ Նիկոլի գործողությունների:

ՀՐԱՆՏ ՍԱՐԱՖՅԱՆ

Այս թեմայով Նիկոլին ու նրա ոճի պոպուլիստին կիրթ հասարակությունը ձեռնտու չէ. Արմեն Հովասափյան «Գրատախտակին գնալու» մասին խոսելուց առաջ արժե հիշել ամենակարեւորը․ Հենրիխ Դանիելյան «Ժողովուրդ». Որտեղ են տեղցավորել ՀՀ նախկին ԱԽՔ Արմեն Գրիգորյանին Արմեն Գրիգորյանը նոր պաշտոն է ստացել միջազգային ընկերությունում «Ժողովուրդ». Փաշինյանը Արմեն Գրիգորյանի համար նոր պաշտոն է փնտրում