Հունիսի 11-ը գյումրեցի երիտասարդ ծանրամարտիկ Գարիկ Կարապետյանի ծննդյան օրն է

Հունիսի 11-ը գյումրեցի երիտասարդ ծանրամարտիկ, Հայաստանի, Եվրոպայի ու Աշխարհի չեմպիոն ԳԱՐԻԿ ԱԼԵՔՍԱՆԻ ԿԱՐԱՊԵՏՅԱՆԻ ծննդյան օրն է, հոբելյանական 20-րդ տարեդարձն է նշում։ Գարիկի անձնական մարզիչը հայրն է Ալեքսան Կարապետյանը։ Հենց հայրիկից էլ ոգևորվել է Գարիկը, սկզբից ըմբշամարտով է պարապել, այնուհետև ծանրամարտով ու հասել բազում հաջողությունների նվաճումների։ Հունաստանի Հերակլիոն քաղաքում, 2022 ֊ի մայիսի 2֊ին 96 կգ քաշայինների պայքարում, Գարիկը երկամարտի 370 կգ արդյունքով, երկրորդ տարին անընդմեջ հռչակվեց Երիտասարդների Աշխարհի չեմպիոն։ Նա շատ խոստումնալից ու նպատակասլաց մարզիկ է։

Եվ ահա, Iravunk.com -ի մարզական թղթակցին հաջողվեց հանդիպել ու զրուցել օրվա հոբելյարի հետ, ով Հայաստանում կայացած Ծանրամարտի Եվրոպայի առաջնությունում նվաճեց չեմպիոնի տիտղոսը։

- Շնորհավորում ենք քեզ Գարիկ, կրկնակի՝ և ծննդյան տարեդարձի հոբելյանական 20-ամյակի, և Եվրոպայի չեմպիոնի տիտղոսը նվաճելու առթիվ, նորանոր նվաճումներ մաղթում։

- Շատ շնորհակալ եմ։ Ես հանդես եմ եկել 102 կգ քաշային կարգում, երկամարտի 392 կգ արդյունքով, առաջին անգամ հռչակվեցի մեծահասակների Եվրոպայի չեմպիոն, ինչի համար շատ ուրախ եմ։ Անկեղծ ասած, ինձ համար շատ մեծ նշանակություն ուներ այս հաղթանակը, հատկապես, որ իմ հայրենիքում էր։ Բազմաթիվ երկրներում եմ մասնակցել մրցաշարերի, սակայն մեզ մոտ ամեն ինչ այլ էր, դրական առումով։ Երկրպագուների ներկայությունը շատ եմ կարևորում։ Ընտանիքիս անդամները, հարազատներս, ընկերներս, բոլորը ներկա էին։ Մրցահարթակում լարվածություն կամ հուզմունք չեմ ունեցել, միայն մտածում էի, որ պիտի բարձրացնեմ ծանրաձողը։ Ինձ մոտ շատ մեծ պատասխանատվություն կար, որ իմ երկրում պիտի ավելի լավ մասնակցեմ, բոլորիս նպատակն էր հաղթել։ Հայրենիքը շատ օգնեց, ինչպես ասում են, տան պատերը շատ օգնեցին, որ այդքան շատ մեդալ նվաճեցինք, ես վստահ եմ, որ նույն մեդալներով հաջորդ տարի պիտի Թուրքիայից վերադառնանք։

- Իսկ առաջիկա ծրագրերի մասին ի՞նչ կասես:

- Հուլիսին Բելառուսում պիտի մասնակցենք Եվրոպայի առաջնությանը, ջանք ու եռանդ չպիտի խնայենք, որպեսզի կարողանանք լավ հանդես գալ։

- Ո՞րն է քո ամենաբաղձալի երազանքը։

- Երազանքս է դառնալ Օլիմպիական չեմպիոն։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Էստի համեցեք․ ԸՆԿԵՐ ՓԱՆՋՈՒՆԻ Իրականությունից կտրվածները Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները Երեւանն արդեն շատ մեծ է, դրա համար չվում են Տիգրանաշեն․ ԸՆԿԵՐ ՓԱՆՋՈՒՆԻ Ռուսները նստան պոեզ, Մոսկվա գնացին, «Ուժեղ Հայաստանի» հայերը անտեր ու դուս պատերի տակ մնացին․ ԸՆԿԵՐ ՓԱՆՋՈՒՆԻ