Դավաճան չսիրելը քաղաքականություն չի. կայացավ 44 օրյա պատերազմում զոհված Ժորայի ծննդյանը նվիրված երեկոն

Ազատության հրապարակում տեղի ունեցավ Նիկոլ Փաշինյանի որդու՝ Աշոտի առեւանգման մեղքն ընդունած եւ 4 տարի ազատազրկման դատապարտված, բայց հենց դատարանից պայմանական ազատության մեջ հայտնված Գայանե Հակոբյանի որդու` 44 օրյա պատերազմում զոհված Ժորա Մարտիրոսյանի ծննդյան 22-ամյակին նվիրված մեծարման երեկոն։

Բեմահարթակից հնչած բոլոր խոսքերն ուղղված էին անմահացած Ժորայի տարեդարձին, շնորհակալություններն ու ներողությունները՝ եւս: Բայց այդպես էլ շնորհակալական որեւէ խոսք չասվեց կազմակերպիչների մասին: Սակայն, ներկաներից հաջողվեց պարզել, որ միջոցառման նախապատրաստական աշխատանքները սկսվել են շատ ավելի վաղ՝ մի քանի մտերիմների կողմից, երբ դեռ հույս էլ չկար, որ տիկին Գայանեն որդու ծննդյան օրը կլինի ազատության մեջ:

Ի դեպ, տիկին Գայանեի ազատության համար օրեր շարունակ 24 ժամ պայքարողներից, այդ թվում՝ բախտակից ծնողներից մի մասը, ներկա չէին՝ հասկանալի պատճառներով: Շատերի համար այդպես էլ հարցականներ մնացին տիկին Գայանեի կողմից մեղքն ընդունելն ու պայքարի կեսից չքաղաքականացնելու որոշումը: Բայց նա ո՛չ այդ մասին, ո՛չ էլ որեւէ խոսք չցանկացավ ասել… Հուզված էր, բայց խոստացավ խոսել որոշ ժամանակ անց:

Իրենց խոսքերում զուսպ էին բոլորը, բայց հանուն արդարության՝ օրվա շեշտը դրեց 44 օրյա պատերազմում զոհված Վարդան Ամալյանի հայրը՝ ՀՀ վաստակավոր արտիստ, երգիչ, երգահան ԴԱՎԻԹ ԱՄԱԼՅԱՆԸ. «Մեզ երբեմն մեղադրում են, որ մենք քաղաքականության մեջ ինչ-որ բաներ ենք ուզում անել, բայց դավաճան չսիրելը քաղաքականություն չի: Դավաճաններին վերջնականապես Հայաստանից հանելը քաղաքականություն չի: Ոչ մեկս քաղաքականությամբ զբաղվելու ցանկություն, ժամանակ, իմաստ չունենք»:

44 օրյա պատերազմում զոհված եւ միայն վերջերս հողին հանձնված Արայիկ Բաղդասարյանի մայրը՝ ԳՈՀԱՐ ԴԱՎԹՅԱՆՆ էլ ասաց. «Մեր տղաները ծառ էին, որ պտուղ պիտի տային, բայց կտրեց չարը… Այդ չարի ձեռքը կոտրվի: Հայոց հողը մեր արյամբ է գծված, կադաստրի թուղթ մեզ պարտադիր չէ: Հաղթանակը մերն է, մեր որդիների գործը արժանի ծնողները, քույր ու եղբայրները պիտի շարունակեն»:

Նշենք, որ երեկոյի ընթացքում իրենց կատարումներով հանդես եկան ՀՀ վաստակավոր արտիստներ Դավիթ Ամալյանը, Շուշան Պետրոսյանը, Արսեն Գրիգորյանը եւ երգիչ Պապ Իսպիրյանը: 

ՀՐԱՆՏ ՍԱՐԱՖՅԱՆ

Այս թեմայով Մենք այս պետությանը պետք չենք․ Անահիտ Մարտիրոսյան ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Այս գլխացավը առաջին լուրջ ահազանգն է. «Բժշկի մոտ» նյարդաբան Գայանե Վարդանյանն է Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր Ստեղծվում է համակարգ, որը մի կողմից չի աշխատի, մյուս կողմից մարդկանց կդնի հերթական սահմանափակումների տակ. Սամվել Մարտիրոսյան