Նիկոլական տգետները հայ ժողովրդին ստրկացրել են. Ալվրցյան

Թալին խոշորացված համայնքի Արագածավան գյուղի ՋՕԸ վերահսկողության պետ Սուրեն Թորոսյանը ծեծել է գյուղի 18-ամյա պատանի Արմեն Սահակյանին: Ըստ գյուղացիների` մահակով մի քանի անգամ հարվածել է տղայի գլխին, իսկ աչքերին` գազ փչել: Ընդ որում` 18-ամյա պատանու մոտ ախտորոշված է էպիլեպսիա հիվանդություն: Սակայն սա դեռ ամենը չէ, սույն անձը նաեւ սոցցանցում «գլուխ է գովացել», թե ինչպես է արցախցի փոքրիկ տղային թողել «չոլերում», երբ երեխան ասել է, որ «Նիկոլը հանձնում է հողերը»: Անդրադառնալով վերոնշյալին` Արեւմտահայոց հարցերի ուսումնասիրության կենտրոնի տնօրեն, բ.գ.թ. ՀԱՅԿԱԶՈՒՆ ԱԼՎՐՑՅԱՆՆ ընդգծեց, որ արդեն որերորդ տարին է այս պատկերի մեջ ենք` ծեծում են, ջարդում են:

— Հետեւանքը պետք է լինի այն, որ Նիկոլի կողքը կանգնածը, ձայն տվածը, նրան ծափահարածը, նրա մուրճին աղոթածն ու մոմ վառածը իրավունք պետք է ունենա գոնե մի երկու-երեք երեխայի ծեծի: Էլ ի՞նչ նիկոլական, որ մի երկու հայ տղայի չծեծի: Ու սա մենք հանդուրժում ենք: Նիկոլին ընտրողներն առանց ամաչելու ու գետինը մտնելու, դեռ խոսում են: Ի դեպ, ասեմ, այսպես վարվում էին հայերի հետ 19-րդ դարում Օսմանյան կայսրությունում քրդերը, որոնց մոտ հայերը ռայա էին` ստրուկի կարգավիճակում: Ուզում էին` սպանում էին, թալանում էին, ուզում էին` ներում էին: Ո՛չ դատ կար, ո՛չ դատաստան: Հայաստանը դարձել է գավառական պրովինցյալ երկիր, որտեղ նիկոլական տգետները հայ ժողովրդին ստրկացրել են:

ՀՐԱՆՏ ՍԱՐԱՖՅԱՆ

Այս թեմայով Սահմանադրական հանրաքվեի թե՛ «այո»-ն, թե՛ «ոչ»-ը խիստ վտանգավոր են Հայաստանի համար․ Սուրենյանց Ստիպված ա հարստացել․ ԸՆԿԵՐ ՓԱՆՋՈՒՆԻ Հայաստանի դիրքերը եղել ու լինելու են շատ թույլ. Սուրեն Սարգսյան Հանրապետականները կկորցնեն մեծամասնությունը՝ զիջելով դեմոկրատներին․ Սարգսյան Այսօր հայազգի բարերար երջանկահիշատակ Կառլեն Եսայանի միակ սիրո 80-ամյակն է