«Գլուխ ա գովում, թե ինքը վարչապետի ու ԱԺ նախագահի հետ տված-առած տղայա, ինքը էս երկրում պրոբելեմ չունի». Ով է 18-ամյա էպիլեպսիայով տառապող տղային ծեծի ենթարկած ՔՊ-ականը

Թալինի ՔՊ-ական ՋՕԸ վերահսկողության պետ Սուրեն Թորոսյանը ձերբակալվել է: Հիշեցնենք, որ Սուրեն Թորոսյանի եւ գյուղի բնակիչ 18-ամյա Արմեն Սահակյանի միջեւ մոտ 20 օր առաջ կոնֆլիկտ էր ծագել է։ Թորոսյանը հարվածել եւ գազ էր փչել տղայի դեմքին, ով տառապում է էպիլեպսիայով։

Արագածավանի բնակիչների բնորոշմամբ նշված, ինչպես գյուղացիներն են բնորոշում «եզը» այս աստիճան հաբռգած վիճակը պայմանավորված է նրա ՔՊ-ի վերնախավում կապերով: «Սուրոն գլուխ ա գովում, թե ինքը վարչապետի ու ԱԺ նախագահի հետ տված-առած տղայա, ինքը էս երկրում պրոբելեմ չունի, իր հետ պրոբլեմ ունեցողներն էլ` պրոբլեմի տակ կմնան»,-մեզ հետ զրույցում անդրադառնալով ՔՊ-ականի կողմից էպիլեպսիայով տառապող տղային մահակով ծեծի ենթարկած եւ աչքերի մեջ գազ փչած հանցագործի վարքաբանությանը ասաց Արգածավանի բնակիչ Անդրանիկը:

Պարզվում է, որ այս ստահակը շաբաթնր առաջ էլ 8-ամյա արցախցի երեխայի է ճանապարհից վերցրել, հետո, երբ իմացել է, որ արցախցի է շպրտել է մեքենայից 8-ամյա երեխային, հետո լայվ մտել ու հորդորել իշխանություններին աշխատանքից ազատել համայնքապետարանում աշխատող երեխայի ծնողներին, ինչ է թե երեխան ասել է, որ Նիկոլը դավաճան է:

Նկատենք, որ ՔՊ-ական պաշտոնյայի կողմից ծեծված երիտասարդին վիրահատել են, նրա գլխին 8 կար են դրել բժիշկները: