ԲՍՓ-ն դարձել է դժոխք՝ պատերազմում ոտքերը կորցրած զինվորների համար

ՀՀ աշխատանքի եւ սոցիալական հարցերի նախարարության Բժշկասոցիալական փորձաքննության գործակալությունն իսկական դժոխք է դարձել 44-օրյա պատերազմում ծանր վիրավորում ստացած զինվորների համար: Նրանցից շատերը բողոքում են նվաստացուցիչ փորձաքննության ընթացքից, երբ ԲՍՓ գործակալության խումբն ամեն անգամ երկար-բարակ փորձում է համոզվել, թե կարո՞ղ է «ձեռք ու ոտք նորից աճած լինի» (ձեւակերպումը զինվորիների վրդովված հարազատներինն է):

Եվ սա էլ դեռ քիչ է, պատճառաբանելով, որ պետությունն արդեն իրենց պրոթեզավորման «հարցերը լուծել» է՝ մասսայաբար զրկում են պատերազմի հերոսներին հաշմանդամության 1-ին կարգից՝ տեղափոխելով 2-րդ կարգ: Ըստ նրանց, եթե պրոթեզավորված է, ապա կարող է ապրել լիարժեք կյանքով, իսկ ոտքն ու ձեռքն, արի ու տես, որ կենսական օրգան չեն համարվում: Սրանով տղաներին զրկում են  տարատեսակ արտոնություններից, ինչպես նաեւ 200 հազար դրամ թոշակից:

Ի դեպ, այս մասին բարձրաձայնել է նաեւ հասարակական գործիչ ՄԱՄԻԿՈՆ ԽՈՒՐՇՈՒԴՅԱՆԸ, մասնավորապես՝ ընդգծելով. «44-օրյա պատերազմում երկու ոտքերը կորցրած վիրավոր հերոս Արամ Արզումանյանին զրկեցին հաշմանդամության 1-ին կարգից՝ տեղափոխելով 2-րդ կարգ… Առաջիկա օրերին նույն բախտին կարժանանա նաեւ երկու ոտքերը կորցրած, վիրավոր հերոս Հովսեփ Առաքելյանը: Ընդ որում՝ տղաների պրոթեզավորումներն իրականացվել է տարբեր հիմնադրամների կողմից, որոնք պետական չեն համարվում: Պետությունը մասնավոր կառույցների կատարած աշխատանքն իրեն վերագրելով՝ հրաժարվում է իր պարտավորություններից…»:

ՀՐԱՆՏ ՍԱՐԱՖՅԱՆ

Այս թեմայով ՇՏԱՊ. Դիմում եմ ՀՀ իրավապահ մարմիններին՝ նախաձեռնելու քրեական վարույթ. Հայտնի փաստաբանի հայտարարությունը Ինչ ծառայություններ են հասանելի լինելու ապահովագրական փաթեթով․ Մանրամասներ Հայաստանյան իրավապաշտպանության ոլորտի գուրուն, հայտնի փաստաբանը հայտարարությամբ է հանդես եկել Ինչպես դառնալ ուժեղ եւ հաջողակ կին Այս եզրույթը ներառվելու է ԴՕԿ դաշինքի նախընտրական ծրագրում. Հայտնի փաստաբանը ուշագրավ հայտարարությամբ է հանդես եկել