Եթե ձեռնոց են նետում, կվերցնենք, թող Ստամբուլյան կոնվեցիայի վավերացումից հեռու խաղան. Չախալյան

Օրերս կայացած Ժողովրդավարության հայկական երկրորդ ֆորումի ժամանակ Հայաստանում Եվրամիության պատվիրակության ղեկավար, դեսպան Անդրեա Վիկտորինը ո՛չ ավել, ո՛չ պակաս հայտարարել է, որ ուզում է, որպեսզի Հայաստանում վավերացվի Ստամբուլյան կոնվենցիան: Նա հայտարարել է, որ  ակնկալում է այս առումով քաղհասարակության աջակցությունը: Անդրադառնալով վերոնշյալին` «Իրավունք TV»-ի տաղավարում զրուցել ենք Ազգային արժեքների պաշտպանության «Կամք» հասարակական նախաձեռնության ղեկավար ՎԱՀԱԳՆ ՉԱԽԱԼՅԱՆԻ հետ:

— Ընդդեմ Ստամբուլյան կոնվենցիայի վավերացման` Դուք ամիսներ շարունակ ստորագրահավաք եք իրականացրել, հիմա ԵՄ դեսպանն ասում է, որ ուզում է այն վավերացվի: Ի՞նչ կասեք այս մասին:

— Նախ ասեմ, որ այդ ֆորումը ժողովրդավարության հետ ոչ մի աղերս չունի: Ինչ վերաբերում է դեսպանի հայտարարությանը, փաստորեն, «ուզում եմ» ասելով` հրահանգում է ու պարտադրում իշխանությանը, թե` «երեխեք ջան, տեղներիցդ շարժվեք»: Այսպես են նրանք ստիպում մեզ նման փոքր երկրներին: Մենք էլ ենք  շատ բան ուզում, բայց ուզելով չէ, ինչպես ասում են` ցանկությունն ու հնարավորությունը պետք է իրար հետ համապատասխանեն: Լավ կլիներ, որ այսօր Եվրամիության, միջազգային այլ կառույցների հայաստանյան ներկայացուցիչները խոսեին շրջափակված արցախահայության ճակատագրի մասին, եւ այդ ուղղությամբ ինչ-որ բաներ «ուզենային»: Թող Ստամբուլյան կոնվեցիայի եւ նման պիղծ օրինագծերի վավերացումից հեռու խաղան:

— Այս իրավիճակում, երբ հանրությունը չի ընդվզում անգամ Արցախը փաստացի Ադրբեջանի մաս ճանաչելու իշխանության հայտարարությունների դեմ: Ըստ Ձեզ` հնարավո՞ր է կանխել Ստամբուլյան կոնվենցիայի վավերացումը:

— Անշուշտ, Արցախը հանձնելուց հետո` իրենց համար ի՞նչ է Ստամբուլյան կոնվենցիան վավերացնելը: Նիկոլի իշխանությունն այնպես չէ, որ կարմիր գծեր ունի, բայց, ամեն դեպքում, մենք վճռական ենք: Այնպես չէ, որ պատերազմը մեզ կոտրել է, նույն Ստամբուլյան կոնվենցիայի հետ կապված` շարունակելու ենք մեր պայքարը: Իհարկե, մտածում էինք, որ դրա ժամանակը չէ, երբ 120 հազար արցախահայ շրջափակման մեջ է, փաստացի Արցախը հանձնված է, Տավուշի ու Արարատի մարզերից գյուղեր են հանձնվում, բայց եթե ձեռնոց են նետում, մենք կվերցնենք: Ինչ վերաբերում է նրան, թե հնարավոր է կանխել, հիշեցնեմ, որ հույսը չի մեռնում: Ամեն ինչ մեր կազմակերպվելուց է կախված: Ինչքան էլ արձանագրենք, որ Նիկոլենք գերազանց ձեւով իրենց առաջ դրված խնդիրները լուծում են, բայց այնպես չէ, որ «պապը միշտ գաթա է ուտելու»: Մի տեղ սայթաքելու են: Այնպես որ, «Կամքը» հաստատակամ է այս հարցում եւս եւ պայքարելու է: Արցախի մասով էլ այնպես չէ, որ ամեն ինչ վերջացած է: Կապրենք կտեսնենք:

ՀՐԱՆՏ ՍԱՐԱՖՅԱՆ

Հ.Գ.- Հարցազրույցն ամբողջությամբ դիտե՛ք տեսանյութում.

Այս թեմայով ՌԴ դեսպանը այցելել է Զանգեզուրի և Ագարակի պղնձամոլիբդենային կոմբինատներ Վահագն Ալեքսանյանի խոսքով՝ հաջորդ նկատողությունից հետո Հայկ Սարգսյանը, ենթադրաբար, ՔՊ-ից կհեռացվի ՇՏԱՊ. ՀՀ նախագահ անճանաչելիորեն փոխվել է. ՖՈՏՈ Պակիստանն առաջին անգամ դեսպան ունի Հայաստանում. նա իր հավատարմագրերն է հանձնել Խաչատուրյանին Դատարանը կարող է հրաժարվել գործը քննելուց միայն օրենքով նախատեսված հիմքով, բայց չի կարող հրաժարվել արդարադատություն իրականացնելուց