Նիկոլին իմ դիրքորոշումը հայտնեցի, ձերբակալեցին. Հակոբ Պէրպէրեանն ազատության մեջ է

Կենտրոնի ոստիկանական բաժին կիրակի օրը բերման էր ենթարկվել 44-օրյա եւ Ապրիլյան պատերազմների մասնակից ՀԱԿՈԲ ՊԷՐՊԷՐԵԱՆԸ: Պատճառն այն էր, որ նա Պուշկին փողոցի վրա գտնվող սրճարաններից մեկում տեսել էր Թուրքիայի նախագահ Էրդողանի երդմնակալությունից մեկ օր առաջ վերադարձած Նիկոլ Փաշինյանին ու Աննա Հակոբյանին եւ բղավել՝ «Նիկո՛լ, դավաճան»: Երեք ժամ պահելուց հետո՝ նրան բաց թողեցին եւ  Պէրպէրեանը դուրս եկավ ոստիկանական բաժնից ԱԺ «Հայաստան» խմբակցության պատգամավորներ Գառնիկ Դանիելյանի, Քրիստինե Վարդանյանի եւ Ասպրամ Կրպեյանի հետ, ովքեր դեպքի մասին տեղեկանալով՝ եկել էին ոստիկանություն:

Պարզվում է՝ կատարվածը ոստիկանությունը որակել է իբրեւ վարչական իրավախախտում եւ տուգանք նախատեսել: Մինչդեռ Նիկոլ Փաշինյանը հենց ԱԺ ամբիոնից էր հայտարարում, որ իրեն այնքան են ասել՝ «դավաճան», որ էլ չեմ վախենում, որ իրեն կասեն՝ դավաճան:.

Ինչեւէ, արդեն ազատության մեջ գտնվող Հակոբ Պէրպէրեանն «Իրավունք»-ի հետ զրույցում մանրամասներ պատմեց տեղի ունեցածից. «Ինձ թվում է՝ տեսանյութն արդեն բոլորը տեսել են, որ փողոցում անցնելիս տեսել եմ Նիկոլին եւ իմ դիրքորոշումը հայտնել՝ իրեն անվանելով՝ դավաճան: Տեղում ձերբակալեցին եւ ոստիկանությունում երեք ժամ պահեցին: Վարչական տուգանք են ուզում գրել: Որեւէ խնդիր չեմ տեսնում: Արդեն ազատության մեջ եմ եւ գնում եմ իմ գործերով: Շնորհակալություն բոլոր մտահոգներին, զանգահարողներին եւ «Հայաստան» խմբակցության պատգամավորներին, որ ներկա գտնվեցին ոստիկանությունում»:

Ի դեպ, իրավապաշտպան Ռուբեն Մելիքյանն անդրադառնալով վերոնշյալին՝ ընդգծել է, որ Հակոբ Պէրպէրեանին ազատ են արձակել՝ առանց ձերբակալումից ազատելու որոշման տրամադրման, ինչն օրենքի կոպիտ խախտում է: Ըստ իրավապաշտպանի՝ անհրաժեշտ է բողոքարկել:

ՀՐԱՆՏ ՍԱՐԱՖՅԱՆ

Այս թեմայով Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը «Իրավունք». «Որ խելքներդ չի հասնում, ծպտուն մի հանեք». Փաշինյանն օդերով է հանել նորելուկ պատգամավորներին Հայկ Սարգսյանի համար Փաշինյանի մոտ բարեխոսել ե՞ն․ ԲԱՄԲԱՍԱՆՔ Քոչարյանը՝ Փաշինյանին ձեռքով կանչելու մասին․ «էնքան ասեց՝ կոշիկդ հանելու եմ, ասեցի՝ արի, հանի»