Ֆուտբոլիստներ, որոնք կփոխեն ակումբային գրանցումը

Մի շարք ակումբներ արդեն հայտարարել են այն ֆուտբոլիստների անունները, որոնք ամառային տրանսֆերային պատուհանի ժամանակ հեռանալու են։

Մադրիդի «Ռեալի» պաշտոնական կայքը հայտնում է,  որ ընթացիկ մրցաշրջանի ավարտից հետո թիմի բելգիացի կիսապաշտպան Էդեն Ազարը կհեռանա:

Իսպանական ակումբն ու 32-ամյա ֆուտբոլիստը պայմանավորվել են 2023 թվականի հունիսի 30-ին պայմանագիրը խզելու մասին: Այն ուժի մեջ էր մինչև 2024 թվականի հունիսը: Ի դեպ,  Ազարը կարող է այս ամառ ավարտել մարզական կարիերան: Արքայական ակումբը կլքի նաեւ Մադրիդի «Ռեալի» դոմինիկացի դարձակվող Մարիանո Դիասը, որը մադրիդցիների հիմնական թիմում անցկացրել է 6 մրցաշրջան։ Մադրիդյան ակումբը որոշել է բաց թողնել նաեւ Մարկո Ասենսիոյին, ով ազատ գործակալի կարգավիճակով կլքի թիմը, վերջինս ակումբի գույները պաշտպանում էր 2015 թվականից։

Ֆրանսիական ՊՍԺ-ն եւս կազմի զգալի փոփոխություններ կունենա գալիք մրցաշրջանում։ Ակումբը պաշտոնապես հայտարարել է Լեոնել Մեսսիի եւ Սերխիո Ռամոսի հեռանալու մասին։ Սերխիո Ռամոսը 2021 թվականից է խաղում ՊՍԺ-ում, իսկ Մեսսին 2021 թվականի օգոստոսին է «Բարսելոնայից» տեղափոխվել ֆրանսիական ակումբ։

Իր հերթին անգլիական «Վուլվերհեմփթոնը» հայտարարել է  Ժոաո Մոուտինյուի, Դիեգո Կոստայի և Ադամա Տրաորեի հեռանալու մասին։