Հույզերի պատճառով Ռուսաստանի հետ դաշինքից հրաժարվելն այնքան էլ ռացիոնալ չէ. Սիլաեւ

ՌԴ ԱԳՆ միջազգային հետազոտությունների ինստիտուտի քաղաքական գործընթացների վերլուծության լաբորատորիայի տնօրեն, պատմական գիտությունների թեկնածու ՆԻԿՈԼԱՅ ՍԻԼԱԵՎԻ գնահատմամբ` Արեւմուտքի կողմից Հայաստանի վրա ճնշումը մեծ է, որին դժվար է դիմադրել:

— Լավ հասկանում եմ՝ Հայաստանի ժողովուրդը հիասթափված է ռուսական դիրքորոշումից այն բանի համար, ինչ եղել է անցյալ տարվա սեպտեմբերին, եւ ինչ եղավ Լաչինի միջանցքում՝ ի հեճուկս այն պարտավորությունների, որոնք Ադրբեջանը ստանձնել է եռակողմ հռչակագրերի համաձայն: Բայց այս հիասթափությունը կարող է լինել հօգուտ Ռուսաստանի նկատմամբ սթափ վերաբերմունքի:  Սթափ ոչ թե այն իմաստով, որ Ռուսաստանը կատարյալ է, ամենաուժեղը, միշտ կօգնի բոլորին, այլ սթափ այն առումով, որ կան օբյեկտիվ սահմանափակումներ, որոնց Ռուսաստանն այժմ բախվում է: Միեւնույն ժամանակ, հույզերի, հիասթափության պատճառով Ռուսաստանի հետ դաշինքից հրաժարվելն այնքան էլ ռացիոնալ չէ` արտաքին քաղաքականության տեսանկյունից: Իմ թեզն այն է, որ կարեւոր է ե՛ւ ռուսական, ե՛ւ հայկական կողմից չուժեղացնել այն հիասթափությունը, որն այժմ կա հանրային կարծիքի մեջ: Բայց Հայաստանում դա ավելի ուժեղ է զգացվում հասկանալի պատճառներով, Ռուսաստանում` ավելի թույլ է: Հարցն այն է, թե արդյոք մենք ուժեղացնում ենք հիասթափության այդ զգացումը, թե ձգտում ենք սթափ աչքերով նայել այդ հույզերին:

Այս թեմայով Ադրբեջանական բենզինի թաքնված ականները. Մեկնաբանում են տնտեսագետները Պաշտպանվելու ամենալավ ձևը, թերևս հարձակվելն է... Հայկ Ղազարյան Ադրբեջանից Վրաստանի տարածքով Հայաստան է ժամանել նավթամթերքով բեռնված գնացքը Դուք զբաղված եք մարդկանց մոլորեցնելով, ոչ թե մտահոգ եք երկրի հզորացմամբ և խաղաղության հաստատմամբ Լուկաշենկո.Աշխարհում կա ուժի երեք բևեռ՝ Չինաստան, Ռուսաստան և ԱՄՆ