Ընտրությունը քոնն է՝ քեզ բախտավոր զգաս, թե՝ դժբախտ. հոգեբան

Նիկոլ Փաշինյանի տիկինը՝ Աննա Հակոբյանը վերջերս հայտարարեց, թե ինքը երջանիկ հայ կնոջ այդպես էլ չի հանդիպել: Թե արդյոք երջանիկ հայ կին չի լինում, «Իրավունք TV»-ի տաղավարում պարզել ենք հոգեբան ԻՐԻՆԱ ԾԱՏՈՒՐՅԱՆԻՑ:

- Ինչպե՞ս կարող է հայ կինը երջանիկ չլինել: Այս աշխարհում երկու կարեւոր բան կա՝ կրթություն ստանալը եւ բարեգործություն անելը: Եթե հայ մայրը նայում է իր որդուն եւ տեսնում, որ դարձել է լավ փականագործ, լավ պաշտոնյա, լավ մանկավարժ, լավ ֆիզիկոս, դրանից մեծ երջանկություն չկա մոր համար: Ուրիշ հարց է, որ կան մայրեր, որոնց երեխաները ոչինչ չեն դառնում եւ իրենք այդպես են ասում: Այնպես, որ նախ պետք է հասկանալ ինչ է երջանկությունը: Ժողովրդական խոսք կա՝ մուրազը փորը մնաց, մի ստվար կանայք կան, որոնց մուրազները փորը չի մնացել: Այո՛, կան դժբախտ կանայք, ովքեր բոլորովին երեխա չեն ունեցել: Բնության կողմից ի վերուստ իրեն տրված առաքելությունը նա չի իրականացրել: Տեսեք, զոհված զինվորների մայրերը գոնե 18 տարի իրենց երեխայի բերկրանքը տեսել են՝ ի տարբերություն այն կանանց, որոնք ընդհանրապես չեն ունեցել: Այնպես որ, եթե մեր մեջ կա մի փոքր գոնե հումանիզմ, կարելի է այնպիսի բառեր ընտրել, որ դրանից մարդիկ ոչ թե կոտրվեն, այլ ոգեւորվեն, առաջ գնան, ընդունեն: Դժբախտության հիմնական պատճառն այն է, որ չես ցանկանում ընդունել իրականությունը, ինչպես ասում են՝ պետք է չլիներ, բայց եղավ… Ինչքան հետազոտել եմ, ուրիշ ազգերն այսպիսի խոսք չունեն: Վերադառնալով Ձեր հարցին՝ ասեմ, որ ես երջանիկ կին եմ, ո՞վ կարող է իմ երջանկությունն ինձնից խլել: Ես չեմ ունեցել երեխա, տեսել եմ պատերազմներ, հայրս շուտ է մահացել, մայրս տարել է Ստալինգրադյան բլոկադա, բայց ես ինձ դժբախտ չեմ զգում: Սա արդեն իմ վերաբերմունքն է իմ նկատմամբ, որ ինձ բախտավոր զգա՞մ, թե՝ դժբախտ:

ՀՐԱՆՏ ՍԱՐԱՖՅԱՆ

Այս թեմայով Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները «Հրապարակ». Աննա Հակոբյանը չի՞ ցանկանում կրթել Թագուհուն Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը Ինչպես փաՌատոները վերածվեցին փաՐատոների...