Քաղաքացիները հաստատակամ ոչ են ասում Արցախի ադրբեջանականացմանը. Թագուհի Թովմասյան

ԱԺ մարդու իրավունքների պաշտպանության եւ հանրային հարցերի մշտական հանձնաժողովի նախագահ, անկուսակցական պատգամավոր ԹԱԳՈՒՀԻ ԹՈՎՄԱՍՅԱՆԸ շարունակում է Երեւանում եւ մարզերում իրականացնել ստորագրահավաք` «Ո՛չ Արցախի էթնիկ զտմանը» խորագրով: Յուրատեսակ այս հանրաքվեի միջոցով քաղաքացիները հաստատում են իրենց կամքը, որ Արցախը երբեք չի լինելու Ադրբեջանի կազմում` պահանջելով, որ երբեք որեւէ փաստաթղթում Արցախը չճանաչվի Ադրբեջանի կազմում: Այս մասին «Իրավունքը» զրուցել է Թ. Թովմասյանի հետ:

— Իմ ստորագրահավաքը չէի պատկերացնում, որ այսքան լայն ժողովրդականություն միանգամից կվայելի, եւ այսքան հայաստանցիներ իրենց բողոքի ձայնը կբարձրացնեն ու կասեն, որ Նիկոլ Փաշինյանին չեն լիազորում գնալ եւ բանակցել Արցախը Ադրբեջանի կազմում թողնելու մասին` որեւէ իրավիճակում: Սա պետք է լինի համայն հայության պահանջը, մենք չպետք է թույլ տանք, որ Նիկոլ Փաշինյանը որեւէ պահի, որեւէ կարգավիճակով քննարկի Արցախը Ադրբեջանի կազմում թողնելու որեւէ նախագիծ: Ուղղակի, նրան պետք է զրկենք այդ լիազորությունից եւ լեգիտիմությունից: Նա հանդես է գալիս որպես ընտրված վարչապետ եւ ասում է, թե ինքը ներկայացնում է հայ ժողովրդին: Ո՛չ, Նիկոլ Փաշինյանը չի ներկայացնում հայ ժողովրդի շահերը, ինչը փաստում են մոտ 20 օր տեւած մեր ստորագրահավաքի արդյունքները: Մենք արդեն հավաքել ենք 300 հազարից ավելի ստորագրություն եւ ստորագրահավաքն անժամկետ է: Ես հավաքելու եմ այնքան ստորագրություն, որ Նիկոլ Փաշինյանին ուղղակի արգելենք հադես գալ Արցախը Ադրբեջանի կազմում թողնելու որեւէ  ծրագրով: Նախ` Գերագույն խորհրդի որոշմամբ` Նիկոլ Փաշինյանը` որպես Հայաստանի ղեկավար, իրավունք չունի ինչ-որ հարց քննարկել, որտեղ կարող է Արցախը մնալ Ադրբեջանի կազմում, եւ երկրորդ` նա ճանաչել է Խորհրդային Ադրբեջանի տարածքային ամբողջականությունը` այն դեպքում, երբ Ադրբեջանն ինքը չի ճանաչել ինքն իրեն` որպես Խորհրդային Ադրբեջանի իրավահաջորդ: Այսինքն` Նիկոլ Փաշինյանը երկու առնվազն դեպքով հակաօրինական եւ ոչ լեգիտիմ քայլեր է իրականացնում: Երրորդ կետը կլինի մեր ստորագրահավաքի վերջնարդյունքը, եւ այս երեք  կետով մենք կստիպենք, ուղղակի կզրկենք Նիկոլ Փաշինյանին միջազգային արենայում հանդես գալ Արցախի անունից: Նաեւ տեղեկացնեմ, որ սկսել եմ ՀՀ-ում հավատարմագրված դեսպանների հետ հանդիպումների շարք, բոլոր դեսպաններին ներկայացնում եմ այս ամենը եւ ասում եմ` Նիկոլ Փաշինյանը լեգիտիմ իրավունք չունի Հայաստանի ժողովրդի անունից հանդես գալու: Թող նկատի ունենան, որ անգամ Եվրոպայի խորհրդի նախագահ Շառլ Միշելի հետ նրա  բանակցությունները կարող են շատ արագ վերածվել ոչ լեգիտիմ մի գործընթացի, եւ իրենք ուղղակի կանգնեն «կոտրած տաշտակի առաջ»:

ՀՐԱՆՏ ՍԱՐԱՖՅԱՆ

Այս թեմայով ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է Գեւորգ Սուջյանը նորություն ունի Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը «Իրավունք». «Որ խելքներդ չի հասնում, ծպտուն մի հանեք». Փաշինյանն օդերով է հանել նորելուկ պատգամավորներին