Հիասթափվում ես, տեսնելով, որ բլոկադան շարունակվում է, եւ ոչ մի դրական լուծում դեռ չկա. Օֆելյա Մարտիրոսյան

«Իրավունքը» զրուցել է Ստեփանակերտի Վահրամ Փափազյանի անվան դրամատիկական թատրոնի դերասանուհի ՕՖԵԼՅԱ ՄԱՐՏԻՐՈՍՅԱՆԻ հետ:

— Վերջին անգամ երկու ամիս առաջ ենք զրուցել Ձեզ հետ, ներկա պահին ի՞նչ վիճակում է գտնվում արցախցին:

— Մեր վերջին զրույցից մինչ այսօր Արցախում շարունակաբար ամեն ինչ դեպի ավելի վատին է գնում: Շատ դժվար է այս բլոկադայի պայմաններում երեխաներ ունեցող մոր համար: Հիասթափվում ես, տեսնելով, որ բլոկադան շարունակվում է, և ոչ մի դրական լուծում դեռ չկա: Բանջարեղեն կամ միրգ, երբ բերում են վաճառքի, այնպիսի հերթեր են լինում, որ չես կարողանում երեխաների հետ հերթ կանգնել: Բացի դրանից, երեխա պահելն առանց բանջարեղենի, դա էլ է վատ ազդեցություն գործում: Մի ահավոր դժվար պրոցես է այստեղ:

— Թանկությունը շա՞տ է:

— Այո, հիմա այստեղ ամեն ինչն է թանկ: Սովորական կոնֆետները, որ նախկինում արժեին հազար ութ հարյուր դրամ, հիմա չորս հազար հինգհարյուր, հինգ հազար դրամ արժեն: Վարունգի կիլոգրամն արժե երկու հազար դրամ:

— Կարտոֆիլի մեկ կիլոգրամն ի՞նչ արժե:

— Կարտոֆիլն ամենասկզբից հինգ հազար դրամից էր սկսվում: Հետո կամաց-կամաց դարձավ երեք հազար, հիմա մեկ կիլոգրամ կարտոֆիլն արժե հազար ութ հարյուր դրամ:

— Կենցաղային խնդիրներին ինչպե՞ս եք դիմակայում:

— Շատ դժվարությամբ… Արդեն հոգնել ենք, մինչև ե՞րբ այս ամենը պետք է շարունակվի: Լույսը ժամով են տալիս, ջուրը չի հերիքում: Ներկա պահին շատ կենցաղային մանր-մունր խնդիրների մեջ ենք մենք գտնվում:

— Աստված մի արասցե, եթե ցավոտ լուծումներ լինեն, և Արցախը մտնի Ադրբեջանի կազմ, Դուք կհամաձայնե՞ք ապրել Ստեփանակերտում:

— Ես չեմ հավատում, որ այդպիսի բան լինի:

— Ներկա պահին Դուք մեր միջոցով հնարավորություն ունեք դիմելու հայությանը:

— Թող չմոռանան մեզ՝ արցախցիներիս, քանի որ օրերը գնում են, բլոկադան շատանում է: Կցանկանայի, որ աշխարհի հայության կապը Արցախի հետ չկտրվի:

ՆՈՒՆԵ ԶԱՔԱՐՅԱՆ

Այս թեմայով Վեճ՝ արցախցիների հարցով քննարկման ընթացքում․ ՔՊ-ն լքեց դահլիճը․ «Չեմ հասկանում՝ ով է հարցը լուծելու» Անբարոյական մոտեցում է, եթե ՊՆ նախարարը գտնում է, որ բանակի ողբերգական դեպքերում իր մեղքը չկա 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Մենք այս պետությանը պետք չենք․ Անահիտ Մարտիրոսյան ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով