Փրկե՜ք ձեր հերոս գեներալին. Միքայել Արզումանյանի քույրը դիմում է Արցախի ներկա ու նախկին պաշտոնյաներին

 

«Ես՝ Ծովինար Ալբերտի Խաչատրյանս, Արցախի հերոս գեներալ Միքայել Ալբերտի Արզումանյանի քույրն եմ։ Հարցումս հղում եմ բոլորիտ եւ Արցախի բնակչությանը։ Ինչո՞ւ եք մինչեւ հիմա լուռ ու մունջ նստել, սպասում, ինչո՞ւ է մինչեւ այսօր եղբայրս մի տականք ստոր արարածի, հոգեկանի կամքով անհիմն կալանավորված։

 

Արայիկ Հարութունյան, որպես երկրի ղեկավար, ինչի՞ 9 ամիս ոչ մի կտրուկ քայլի չեք դիմում, մի՞թե նրա նվիրվածությունը իր հայրենիքին այնքան քիչ է, որ ոչինչ չեք ձեռնարկում։ Եղբայրս ունի առողջական խնդիրներ, որի համար պիտի տեղափոխեն հիվանդանոց, բայց, ցավոք սրտի, այդ թուրքի լամուկը չի թույլատրում հիվանդանոց տեղափոխել՝ բուժում ստանալու համար։ Դիմեք այդ ստոր սատանային, Ձեր միջնորդությունը տվեք, որպեսզի նրան բաց թողնեն, չէ որ բոլորս լավ գիտենք,որ նա ոչ մի մեղավորություն չունի Արցախի հողերի հանձնման մեջ։ Բոլորդ լավ եք գիտակցում, որ Միքայել Արզումանյանին կալանքի տակ պահում են, որպեսզի Արցախը դավաճանների միջոցով վերջնականապես հանձնեն թուրքին, որովհետեւ նա ազատության մեջ լիներ, ամեն կերպ կխանգարի այդ տականքներին։

 

Սամվել Բաբայան, դիմում եմ Ձեզ, դուք եկել եք Արցախ փրկեք, դե հիմա ժամն է եկել՝ փրկեք ձեր հերոս գեներալին, որին այդ ստոր սատանան պահում է կալանքի տակ, նրա նվիրվածությունը, հերոսությունները դուք շատ լավ գիտեք դեռ 90-կաններից։ Ձեր առաջին քայլը թող լինի արդար պահանջը, որպեսզի Միքայել Արզումանյանին ազատ արձակեն, ու ժողովուրդը ձեզ վստահի, ձեր արդար արարքի համար ու ձեր հետեւից գա։

 

Ո՞նց կարող է դասալիքը դատի հերոսին, որը իր ամբողջ կյանքը 16 տարեկանից նվիրել ու պայքարել է հանուն Հայրենիքի ազատությանը։ Խնդրում ու պահանջում եմ բոլորիդ, քայլեր եւ միջոցներ ձեռնարկել, որպեսզի ազատ արձակվի մեր հերոսը գեներալ Արզումանյանը», - ընդծել է Ծ. Խաչատրյանը։