«Եթե Ալենի թքելը ներվեց, ուրեմն` պետք է ներվի նաեւ մորը, ով զավակ է կորցրել».ՇՊՌՈՏ

Երեւանի Շենգավիթ վարչական շրջանի առաջին ատյանի դատարանը` Ժորա Չիչոյանի նախագահությամբ, մայիսի 20-ին մերժեց 44-օրյա պատերազմում զոհված Ժորա Մարտիրոսյանի մոր՝ Գայանե Հակոբյանի ձերբակալության իրավաչափությանը վերաբերող բողոքը, եւ նա 1 ամսով կալանավորվեց: Հիշեցնենք, որ նա մեղադրվում է Նիկոլ Փաշինյանի որդուն՝ Աշոտ Փաշինյանին իբր առեւանգելու փորձի համար:  Այս մասին  «Իրավունքը» զրուցել է երգչուհի ՇՊՌՈՏԻ հետ:

— Տիկին Գայանեի դեմ քրեական գործ հարուցելու մասին ի՞նչ կասեք: Նրա ազատությունը պահանջելով՝ զոհվածների մայրերը շուրջօրյա նստացույց են իրականացնում Հանրապետության հրապարակում:

— Այո, օրենքը բոլորիս համար է, բայց եթե Ալենի թքելը ներվեց, որովհետեւ  էմոցիոնալ մարդ է, ուրեմն՝ պետք է ներվի մորը, ով զավակ է կորցրել եւ անկայուն հոգեվիճակի մեջ է: Եվ զարմանալին ինձ համար այն է, որ հայ մայրերն են այդ արարքը քննադատում: Ախր նրա ցավը ո՞վ կհասկանա: Ինչո՞ւ եք փորձում արժեզրկել նրա մարդկային, մայրական ցավը, էմոցիան, որն ամեն ինչից վեր է՝ խելագարության հասնող: Մեր հերոսների ծնողներն այսօր ամենահետապնդվող մարդիկ են դարձել: Հավատս չի գալիս, թե այս ուր ենք հասել: Բա Ալենին ինչո՞ւ չեն պատժում, հղի կնոջն ավտովթարի ենթարկած մարդուն պատժե՞լ են: Հարց՝ մեր երկրում օրենքը բոլորի համա՞ր է, թե՞ միայն խեղճերի… Փաստորեն, բան չի փոխվել: Օրենքը սկզբում օլիգարխների վրա թող կիրառեն, հետո ազգի ամենաթույլ ու խոցված մարդկանց վրա: Ամո՛թ է, հայ ենք..

— Մի՞թե զոհված հերոսի մորը ձերբակալելով են ուզում ապացուցել, թե ինչքան արդար են:

— Գիտեք, ինձ համար Աստված է արդար: Ես մեր երկրի դատական համակարգին չեմ վստահում: Ես համոզված եմ, որ տիկին Գայանեն չէր վնասի Աշոտին: Նա մայրական բնազդ ունի: Երեւի Աշոտը չի դիմացել ճնշմանը: Եթե այս ամենն ինձ հետ եղած լիներ, եւ ես համաձայնվեի նստել, ապա մինչեւ վերջ կմնայի: Իսկ եթե պետք է կեսից իջնեի, հենց սկզբից չէի նստի: Ես ինչքան գիտեմ՝ Աշոտին ստիպողաբար ավտոմեքենայի մեջ չեն նստեցրել: Ես Աշոտի հանդեպ ատելություն չունեմ: Նա մի երեխա է, ում պապան վատ շրջապատ է ընկել: Եթե մի իշխանություն դպրոցներից հանում է «Հայ եկեղեցու պատմություն» առարկան, ես այդ իշխանության օրինապահության վրա կկասկածեի:

ՆՈՒՆԵ ԶԱՔԱՐՅԱՆ

Այս թեմայով Մինսկի խմբի լուծարման համատեղ հայտն էլ եմ պատրաստ ստորագրել պայմանագրի հետ. Փաշինյան Փաշինյանը մարզերում անցել է Պլան Բ-ին Վլադիմիր Վարդանյանն ու Արարատ Միրզոյանը մի քանի անգամ կանչվել են հարցաքննության. Դեմոյան Հանձնարարել է սյունեցիներին այնպես «дрисировка» անեն, որ ընդդիմության բերանը բաց մնա. ԲԱՄԲԱՍԱՆՔ Նիկոլի քաղցրահամ քիրվայությունը՝ էրդողանի եւ Ալիեւի սեղանին