Պոնտոսի հույների ցեղասպանության հիշատակի օրը հոգեհանգստի արարողություն կատարվեց Ս. Սարգիս եկեղեցում

Մայիսի 19-ը Օսմանյան Թուրքիայում Պոնտոսի հույների ցեղասպանության հիշատակի օրն է։ Ի հիշատակ Թուրքիայում ցեղասպանության զոհ դարձած հույների, հայերի եւ մյուս քրիստոնյա ժողովուրդների՝ Երեւանի Ս․ Սարգիս եկեղեցում կատարվեց հոգեհանգստյան արարողություն: Ներկա էին Հայաստանի եւ Արցախի հույների «Պատրիդա» կազմակերպության նախագահ Էդուարդ Պոլատիդիսի եւ Երեւանի հույների «Պոնտիյ» կազմակերպության նախագահ Էդ. Միխաիլովի գլխավորությամբ՝ հույն ժողովրդի հայաստանյան բարեկամները:

 

«Այդ նմանը չունեցող վայրագության հետեւանքով՝ երկիրը զրկվեց իր բնիկ քրիստոնյա ժողովուրդներից՝ 5 մլն քրիստոնյաներից Թուրքիայում 1923 թ. մնացել էին ընդամենը 150 000 մարդ», - տեղեկացրեցին կազմակերպիչները: