Քըլըչդարօղլուի ընտրվելու դեպքում կարող ենք ընդամենը ժամանակ շահել. Հովհաննիսյան

Հաջորդ կիրակի տեղի կունենա Թուրքիայի նախագահական ընտրությունների երկրորդ փուլը` գործող նախագահ Ռեջեփ Թայիփ Էրդողանի եւ ընդդիմության միասնական թեկնածու Քեմալ Քըլըչդարօղլուի միջեւ: Ի վերջո, թե այս թեկնածուներից որի ընտրությունն է Հայաստանի համար ավելի քիչ վտանգավոր, «Իրավունքը» պարզեց թուրք-քրդական հարցերով փորձագետ ԿԱՐԵՆ ՀՈՎՀԱՆՆԻՍՅԱՆԻ տեսակետը:

— Թուրքը մնում է թուրք, նույնն է` լինի կրթված ու գրագետ, եվրոպացի, թե ասիացի: Բայց դեպքերի զարգացման արագության ընթացքի վրա կարող է ազդեցություն ունենալ Էրդողանի չընտրվելը: Այն, որ քեմալիստները ցանկանում են իշխանության գալ ամեն գնով, ակնհայտ է, եւ նույնքան ակնհայտ է, որ քեմալիստներին ուզում է ԱՄՆ-ն իշխանության բերել: Սակայն Թուրքիայի նախագահի թեկնածու Քեմալ Քըլըչդարօղլուն, վերջերս մի քարտեզ ի ցույց դնելով, պարզ եւ հստակ ասաց, որ Հայաստանի Հանրապետության տարածքների նկատմամբ նկրտումներ չունի: Ի տարբերություն Էրդողանի պատկերացրած ճանապարհի` այդ քարտեզով նա ճանապարհ Է պատկերացնում` ոչ թե «Զանգեզուրյան» տխրահռչակ միջանցքով, այլ պարզապես` Իրանի տարածքով: Այս դեպքում` կարող եմ ասել, որ մեզ համար որոշակի բարվոք իրավիճակ կարող է լինել Քըլըչդարօղլուի ընտրվելը: Բայց սա ընդամենը ժամանակ շահելու համար, ավել` ոչինչ, որովհետեւ եթե մտածում ենք, թե իշխանափոխությունը Թուրքիայում կարող է ինչ-որ  բանի բերել, ապա պետք է հիշեցնեմ, որ երիտթուրքերը եկան փոխարինեցին այն իշխանությանը, որին նաեւ հայերը փորձում էին տապալել, ու տեղի ունեցավ այն, ինչ տեղի ունեցավ:

ՀՐԱՆՏ ՍԱՐԱՖՅԱՆ

Այս թեմայով «Ժողովուրդ». Իրավապահները կուսումնասիրեն ՔՊ-ական Կարեն Համբարձումյանի եղբոր մասին բացահայտումները ԵԽԽՎ զեկույցից ընդդիմությունը գոհ լինելու շատ հիմնավոր պատճառներ չունի․ Արփինե Հովհաննիսյան ՏԻՄ ընտրություններ են մեկնարկել Հանրապետության չորս համայնքներում «Սրբապիղծնե՛ր, շատ լավ երևում է, թե որտեղից է փչում այդ թունավոր քամին». հերոսի հոր` Արտակ Հովհաննիսյանի գրառումը Քանի տոկոսն է մասնակցել ՌԴ պետդումայի ընտրություններին