Ինչով էր «զբաղված» Փաշինյանը` մինչեւ Բրյուսել մեկնելը

Նիկոլ Փաշինյանը Բրյուսել մեկնելուց առաջ այցելել էր Արագածոտնի մարզի Ներքին Բազմաբերդ գյուղ: Այս առիթով նա իր էջում մոտ 30 րոպեանոց տեսանյութ էր հրապարակել, որտեղ վերջինս ջինսով ու առանց «դուխով»-ի, բայց գլխարկով լծված էր ուտելու իր սիրելի գործին: Անհոգությունը ծորում էր վարչապետի աթոռը զբաղեցնողի դեմքից, տպավորություն էր, որ հաջորդ օրը բանակցությունների շտապողն անելիքներ չունի… Թեպետ դե էլ ի՞նչ բանակցի, որ, ըստ իրեն, էլ բանակցելու բան չկա՝ ինչպես ասում են, այդպես էլ անում է: Ընդ որում` սա այն ֆոնին, որ վաշինգտոնյան բանակցություններից  մեկ օր հետո՝ նոր սրում սկսվեց Գեղարքունիքի սահմանապահ շրջաններում, ինչի հետեւանքով նորից ունեցանք զոհ ու վիրավորներ: Եվ մինչ սոցցանցերում օգտատերը մտահոգություն է հայտնում Սոթքում եւ մյուս շրջաններում ստեղծված իրավիճակի մասին, Նիկոլ Փաշինյանը, ըստ իր հրապարակած տեսանյութի եւ ըստ իր տրամադրության, տպավորություն էր ստեղծում, թե անգամ տեղյակ չէ, որ նման բան է եղել:

Իսկ նախկինների օրոք ընդդիմադիր նույն Փաշինյանը, երբ զոհ էր գրանցվում սահմանին (ինչն այս ինտենսիվությամբ չէր), իր թերթի էջերում այն սարքում էր մատի փաթաթան, անգամ հետո` իր վարչապետական հաջողություններից երբ խոսում էր, ասում էր, թե նոր Հայաստանում այլեւս սահմանին չեն զոհվում զինվորականներ: Իսկ այսօր ցավալի է արձանագրել, որ մի ամբողջ ազգի հարցերի պատասխանատու ղեկավարն այսչափ պարապ է մնացել: Ավելին՝ ըստ շրջանառվող շշուկների՝ դրա նախօրեին էլ վերջինս նաեւ այցելել էր Էջմիածին, որտեղ անհայտ մի վայրում իր ընտանիքի հետ մասնակցել է ճաշկերույթի, որից հետո Փաշինյանի տիկինը նկարներ էր հրապարակել: Մինչդեռ այդ պահին սահմանում աննախադեպ լարվածություն էր...

Ստացվում է՝ մեր տղաներն իրենց կյանքը վտանգելով՝ անառիկ են պահում մեր սահմանները, իսկ այդ ընթացքում գերագույն գլխավոր բանակցողը պարապությունը լցնելու համար՝ տարբեր այցեր է իրականացնում: Իսկ նրան հուզող հարցը ոչ թե Արցախն է, այլ Արարատ սարի թեման: Այս հարցն այդպես էլ նրան հանգիստ չի տալիս: Ներքին Բազմաբերդում Փաշինյանը հարց է հնչեցրել՝ ո՞րն է Հայաստանի ամենամեծ սարը, երեխաներն անմիջապես ասել են՝ Արարատը, նա էլ թե՝ ոչ, Արագածն է: Թերեւս սպասելի էր Նիկոլ Փաշինյանից, որ կարող էր նաեւ հարցնել՝ Նու Պակադին հա՞յ է, թե՝ ոչ: Բայց սարերի հարցով, կարծես թե, լուրջ հոգեկան տվայտանքների մեջ է: Տպավորություն է, որ նա երկրի բոլոր հարցերը լուծել, հիմա էլ «էս սարը իմը չէ, էն քարն իմը չէ» է անում:

ՀՐԱՆՏ ՍԱՐԱՖՅԱՆ

Այս թեմայով Նիկոլ Փաշինյանն այս կիրակի պատարագի կմասնակցի Գառնիի Սուրբ Աստվածածին եկեղեցում Փաշինյանը նշեց Ալիևին անընդհատ շնորհակալություն հայտնելու պատճառները. Տեսանյութ Պուտինի հետ քննարկել ենք տարածաշրջանի դրական փոփոխությունները և նոր հնարավորությունները․ Փաշինյան Ալիևին շնորհակալություն եմ հայտնում, որովհետև երեք կարևոր արգելք է հանվել. Փաշինյան Փաշինյանի թրի տակով անցած եպիսկոպիսներից մի քանիսը զադնի են դրել. Աղբյուր