Տպավորություն է, որ Արցախում ամեն ինչ նորմալ է, եւ տարբեր քաղաքական ուժեր քարոզարշավ են իրականացնում. Հակոբյան

44-օրյա պատերազմի ժամանակ Արցախի ԱԽՔ-ի պաշտոնը զբաղեցնող «Միասնական հայրենիք» կուսակցության նախագահ Սամվել Բաբայանը հիմա էլ պետնախարարի պաշտոն է ուզում: Ստեփանակերտում երեկ հրավիրված հանրահավաքի ժամանակ նա իր ցանկությունն այսպես փաթեթավորեց. «Ինձ պաշտոնը չի հետաքրքրում, ես գալիս եմ ձեզ ծառայելու»: Նշանակովի պաշտոնի համար այսպիսի նախընտրական քարոզարշավի մասին «Իրավունքը» զրուցել է Արցախի «Արդարություն» խմբակցության պատգամավոր ՄԵՏԱՔՍԵ ՀԱԿՈԲՅԱՆԻ հետ:

— Ինչպե՞ս հասկանալ Սամվել Բաբայանի հայտարարությունները, շրջափակված Արցախում դեռ պաշտոնի կռի՞վ է:

— Ստացվում է, որ` այո: Եվ այս ամենի մեջ վատն այն է, որ կան մարդիկ, որոնք իրականում պայքարում են եւ ամեն ինչ անում են հանուն Արցախի փրկության, բայց նույն կերպ են դիտվում, այսինքն` ցանկություն` ուղղակի, պաշտոն գրավելու: Այս պարագայում իրականում ժողովրդի համար շատ դժվար է թացը չորից տարբերել: Տպավորություն է, որ Արցախում ամեն ինչ նորմալ է, որեւէ խնդիր չկա, եւ տարբեր քաղաքական ուժեր քարոզարշավ են իրականացնում, ինչ-որ պահանջներ են դնում: Ու ամենացավալին այս պարագայում այն է, որ փորձում են կրկնօրինակել 2018-ին Հայաստանում տեղի ունեցածը` հենց ժողովրդի ձեռքով: Հանրության մի հատված այսօր այնպիսի անելանելի վիճակում է, որ երբեմն չնայելով հետ ու առաջ` ուղղակի, պահի ազդեցության տակ կարող է քայլեր անել, ինչը խորը վտանգներ իր մեջ պարունակում Արցախի համար: Բայց հիմնականում սթափ է ժողովուրդը: Եթե մինչ պատերազմը մարդկանց հիշողությունը կարճ էր եւ շատ արագ էին մոռանում ամեն ինչ, հիմա, կարծես թե, այդ հիշողությունը պահպանվում է` կապված անձերի եւ գործողությունների հետ: Ամեն դեպքում,  ժողովրդի իմաստությունը կա:

ՀՐԱՆՏ ՍԱՐԱՖՅԱՆ

Հ.Գ.- Հարցազրույցի շարունակությունը կարդացե՛ք «Իրավունք» թերթի առաջիկա համարներից մեկում:

Այս թեմայով ՔՊ նախընտրական ցուցակում հայտնվելու են հայտնի նախկին-ներկաներ. ԲԱՄԲԱՍԱՆՔ Վազգեն եպիսկոպոս Միրզախանյանը վերջին հարցազրույցներից մեկում շնությունը (պոռնկությունն) անվանել է բնական մեղք «Ռուբեն Ճիպոտեցի». բողոքի ակցիա Տիկնիկային թատրոնի առջև․ արձագանք՝ Ռուբեն Բաբայանի «հայտնի» խոսքերին Նիկոլի ճիպոտի համը տեսել է, որ նման կոչեր է անում. ԸՆԿԵՐ ՓԱՆՋՈՒՆԻ Միհրան Հակոբյանին ծեծած տղամարդիկ «Թոխմախի Մհերի» դստեր մեքենայով տեղափոխվել են Սեդրակյանի գազալցակայան. բացառիկ մանրամասներ