Ինչու է Նիկոլ Փաշինյանն այսչափ պարապ

Այսօր Նիկոլ Փաշինյանը այցելել էր Արագածոտնի մարզի Ներքին Բազմաբերդ գյուղ: Այս առիթով նա իր էջում մոտ 30 րոպեյանոց տեսանյութ էր հրապարակել, որտեղ վերջինս ջինսով ու կեպկայով լծվել էր ուտելու իր սիրելի գործին: Անհոգությունը ծորում էր վարչապետի աթոռը զբաղեցնողի դեմքից, տպավորություն էր, որ հաջորդ օրը բանակցությունների շտապողն անելիքներ չունի... Թեպետ դե էլ ի՞նչ բանակցի, որ, ըստ իրեն, էլ բանակցելու բան չկա՝ ինչպես ասում են, այդպես էլ անում է:

Առավել բարկացնող է այն հանգամանքը, որ նախօրեին վաշինգտոնյան բանակցություններից մեկ օր հետո՝ նոր սրում սկսվեց Գեղարքունիքի սահմանապահ շրջաններում, ինչի հետեւանքով նորից ունեցանք զոհ ու վիրավորներ: Տեղի ունեցածն այս երկու օրը համացանցում խորը մտահոգության առիթ է դարձել, իսկ Նիկոլ Փաշինյանն, ըստ իր հրապարակած տեսանյութի եւ ըստ իր տրամադրության՝ տպավորություն է ստեղծում, թե անգամ տեղյակ չէ, որ նման բան է եղել:

Ընդդիմադիր տարիներին նույն Փաշինյանը, երբ զոհ էր գրանցվում սահմանին (ինչը այս ինտեսիվությամբ չէր) իր թերթի էջերում այն սարքում էր մատի փաթաթան, անգամ հետո՝ իր վարչապետական հաջողություններից երբ խոսում էր, ասում էր, թե նոր Հայաստանում այլեւս սահմանին չեն զոհվում զինվորականներ: Իսկ այսօր ցավալի է արձանագրել, որ մի ամբողջ ազգի հարցերի պատասխանատու ղեկավարն այսչափ պարապ է մնացել: Ավելին՝ մեր տեղեկություններով՝ նախօրեին վերջինս նաեւ այցելել էր Էջմիածին, որտեղ անհայտ մի վայրում իր ընտանիքի հետ մասնակցել է ճաշկերույթի, որից հետո Փաշինյանի տիկինը նկարներ էր հրապարակել: Մինչդեռ այդ պահին սահմանում աննախադեպ լարվածություն էր...

Ստացվում է՝ մեր տղաներն իրենց կյանքը վտանգելով՝ անառիկ են պահում մեր սահմանները, իսկ այդ ընթացքում գերագույն գլխավոր բանակցողը պարապությունը լցնելու համար՝ տարբեր այցեր է իրականացնում:

ՀՐԱՆՏ ՍԱՐԱՖՅԱՆ

Այս թեմայով Մի քեֆ, մի ուրախություն․ ԸՆԿԵՐ ՓԱՆՋՈՒՆԻ  Իրականությունից կտրվածները Անկախության օրը՝ ախմախ անակնկալներով ՇՏԱՊ. Հակակոռուպցիոն կոմիտեն մտավ Աբովյանի համայնքապետարան. Բաբայան Էդոյի գործը «բուրդ է» Ձախողվեց մեր պետության զավթման ծրագիրը. Փաշինյանի ելույթը ՄԱԿ-ում