Ինչ որոշում ունի ՍԻՄ կուսակցությունը՝ Երեւանի ավագանու ընտրություններին մասնակցության հարցում

Քաղաքական ուժերն ակտիվ վերադասավորումներ են սկսել՝ Երեւանի ավագանու ընտրություններին ընդառաջ: Այս հարցում ի՞նչ դիրքորոշում ունի ՍԻՄ կուսակցությունը եւ «Ուժեղ Հայաստան Ռուսաստանի հետ. հանուն նոր Միության» շարժումը, «Իրավունք TV»-ի տաղավարում հետաքրքրվել ենք կուսակցության նախագահ, շարժման գործադիր կոմիտեի անդամ ՀԱՅԿ ԲԱԲՈՒԽԱՆՅԱՆԻՑ:

- Իհարկե, առաջին հերթին պետք է մերժենք ցանկացած թեկնածուի, որը կներկայացնի Նիկոլը, ով էլ լինի: Մյուս կողմից պետք է թույլ չտանք, որ ժողովուրդը նորից խաբնվի, այսինքն՝ «Նիկոլ 1» -ի փոխարեն՝ չգա «Նիկոլ 2»՝  քաղաքային մասշտաբով: Դրա համար այսօր հետեւում ենք իրավիճակին, բայց բացի հետեւելուց՝ լրջորեն մտածում ենք, թե ինչպիսի ընտրություն առաջարկենք մեր ժողովրդին: Այս առումով սկսել ենք խորհրդակցություններ առաջին հերթին այն կուսակցությունների եւ հասարակական կազմակերպությունների հետ, ովքեր գտնվում են մեր շարժման մեջ: Մի շարք կուսակցությունների հետ արդեն եղել են խորհրդակցություններ, քննարկվել են կոնկրետ անձանց թեկնածություններ, ում կարող ենք աջակցել, պաշտպանել կամ առաջադրել:

- Պարոն Բաբուխանյան, ի՞նչ չափանիշներ պետք է ունենա Ձեր քաղաքապետի թեկնածուն: Անուններ կհնչեցնե՞ք:

- Այդ մարդիկ պետք է ունենան անբիծ կենսագրություն, պետք է երբեք պաշտպանած չլինեն Նիկոլին եւ գիտակցեն մեր արտաքին քաղաքական առաջընթացն ու երկրի անվտանգությունը ինչպս պետք է կարողանանք ապահովել: Այսինքն՝ պետք է լինեն հայ- ռուսական բարեկամության նվիրյալներ: Այս հարցում մեր գործընկերների եւ մեր մոտեցումները նույնն են, հիմա ավելի շատ քննարկումներն ընթանում են կոնկրետ անձերի շուրջ: Բնականաբար, անուններ դեռ չեմ տա, որպեսզի չթիրախավորվեն, ավելին՝ դեռ վերջնական որոշում էլ ընդունված չէ: Կարեւոր է նաեւ, որպեսզի չլինի այն մեխանիզմը, որը Նիկոլենք աշխատեցրեցին ԱԺ արտահերթ ընտրությունների ժամանակ, երբ 20 եւ ավել թեկնածու ու քաղաքական ուժ մասնակցեցին եւ այդքանից ընդամենը 3-4-ը քիչ, թե շատ շոշափելի ձայներ հավաքեցին: Իսկ մնացածն, ըստ էության, զբաղված էին Նիկոլին աջակցելով՝ ով կամա, ով ակամա: Մի մասը գիտակցում էր, որ գնում է կես տոկոս պոկելու, եւ այն Նիկոլին նվիրելու համար, մյուս մասն էլ հայկական հիվանդությամբ՝ մանկական միամտությամբ տառապելով, թե ինքն այնքան սիրված է ժողովրդի կողմից, որ հեսա կգնա ու կստանա մի հսկայական տոկոս, գնում էին ու ստանում իրենց կես տոկոսը, որն էլի նվիրում էին Նիկոլին: Հիմա շատ կարեւոր է, որ այդ խայտաբղետ թեկնածուները չլինեն, լինի երկու կամ երեք խոշոր միավորումներ, որոնք ունենան իրենց հստակ ծրագիրը, եւ այն ներկայացնեն ժողովրդին: Այդ դեպքում՝ շատ հնարավոր է, որ Նիկոլը պարտվի: Բայց շեշտում եմ՝ կարեւոր է, որ պարտվի այնպիսի ուժերի, ովքեր ոչ թե ավելի կվատացնեն երկրի վիճակը, այլ կլավացնեն:

ՀՐԱՆՏ ՍԱՐԱՖՅԱՆ

Հ.Գ.- Հարցազրույցն ամբողջությամբ դիտե՛ք տեսանյութում.

Այս թեմայով «Երևանի և Բաքվի միջև երկխոսության մեջ ընդհանուր առմամբ դրական դինամիկա ենք տեսնում.Զախարովա «Բենզին հողի դիմաց» օպերացիա. ԸՆԿԵՐ ՓԱՆՋՈՒՆԻ Նախընտրական բենզին՝ ադրբեջանական բույրով Բռնությունը չունի արդարացում, մեղավոր է բռնարարը․ բլոգեր Հայկ Մկրտչյանը անդրադարձել է Մարի Պետրոսյանի սկանդալային միջադեպին ԱԺ ընտրությունները կլինեն 2026թ․ հունիսի 7-ին