Եթե ամեն ինչի պատասխանատուն ռուսն է, ինչի՞ համար է Հայաստանի իշխանությունը. Հայրյան

Մեծ Թաղերի նախկին գյուղապետ, Արցախի նախկին պատգամավոր, «Հանուն Հադրութի» ՀԿ նախագահ ԼԵՎՈՆ ՀԱՅՐՅԱՆՆ ասաց, որ Հայաստանում մնացած անօթեւան արցախցիներն այլեւս ոչ թե սոցիալ-տնտեսական հարցեր են հնչեցնլու, այլ` քաղաքական:

— Հայաստանի իշխանություններին մեր պահանջը կարճ ու լակոնիկ է եւ իրենց համար հասկանալի պետք է լինի: Նրանք կա՛մ պետք է տեր կանգնեն հայ ազգի ազգային շահերին եւ գնան այդ շահերից բխող պահանջների կատարմանը, կա՛մ հրաժարական տան: Չի կարելի սեփական հարմարավետության կամ քաղաքական նկատառումներից ելնելով` ժողովրդին այս վիճակի մեջ պահել: Երկու տարի առաջ ես ասում էի` եթե ձեր ապագան դեռ չգիտեք, ժողովուրդ ջան, նայեք Հադրութին եւ տեսեք ձեր ապագան: Ժողովուրդը թերահավատ էր վերաբերվում:  Հիմա, ցավոք, կարող ենք ավելացնել, որ եթե Հադրութին նայելով՝ ձեր ապագան չեք տեսել, նայեք Ջերմուկին, կտեսնեք: Մեր կառավարությունն ամեն ինչ անում է ազգային, պետական շահերի հարցերը լուծելուց խուսափելու համար: Ապացուցելու կարիք չկա, ասում է` սահմանը պետք է ռուսը պահի, Արցախում ռուսն է պատասխանատու, Բերձորի միջանցքի պատասխանատուն եւս ռուսն է: Այդ դեպքում` ինչի՞ համար է Հայաստանի իշխանությունը, չենք հասկանում: Մեր իշխանություններին թվում է, թե հայ մարդու իրավունքները պիտի պահի ռուս խաղաղապահը: Մինչդեռ Հայաստանի իշխանությունը հստակ պատասխանատու է Ալյասկայից մինչեւ Ավստրալիա ապրող ցանկացած հայի համար, որովհետեւ հայտարարել է, որ Հայաստանի ու հայ ազգի իշխանությունն է:

ՀՐԱՆՏ ՍԱՐԱՖՅԱՆ

Այս թեմայով Այն ճանապարհը, որն ընտրել է Հայաստանի իշխանությունն ու այդ իշխանությանն ընտրած ժողովուրդը, անհամատեղելի է Արցախ ունենալու հետ. Սամվել Շահրամանյան 6 տարի առաջ այս օրը ընկան հազարավոր ՏՂԱՆԵՐ Այսօր հայտնի իրավապաշտպան Լեվոն Բաղդասարյանի քույրիկի տարեդարձն է Արցախյան գեներալիտետից ոչ մեկ մոտ չի գալիս. Ինչ են պլանավորում արցախահայերը Ընտրապայքարի են դուրս եկել ներկա եւ նախկին համայնքապետերը