Էրդողանը վստահ է, որ կհաղթի. Լոքմագյոզյան

Ի՞նչ է սպասվում օրեր անց կայանալիք Թուրքիայի նախագահական ընտրություններում, ուշագրավ փակագծեր է բացել Միջինարեւելյան ուսումնասիրությունների կենտրոնի տնօրեն, թուրքագետ ՏԻՐԱՆ ԼՈՔՄԱԳՅՈԶՅԱՆԸ:

— Թեեւ բուն Թուրքիայում եւ արտասահմանում վերլուծաբանների մի մասը կարծիք է հայտնում, որ այս անգամ Էրդողանը ընտրություններում չի հաջողելու, սակայն ես միշտ ասել ու այսօր նորից ասում եմ, որ Էրդողանը այս խաղի մեջ գլխավոր ֆավորիտն է,  քանի որ եթե ինքն իրեն չտեսներ կամ կասկած ունենար, ինչ-որ բան կաներ, ու այս ընտրությունները կհետաձգեր: Այսինքն` նա վստահ է, որ կհաղթի: Էրդողանին կարող էր խանգարել դժգոհությունը երկրաշարժի հետեւանքներից, սակայն դա էլ աստիճանաբար հանդարտվել է: Իսկ երկրաշարժի զոհ դարձել են առավելապես ոչ թե թուրքերը, այլ քրդեր, արաբներ եւ հատկապես հույներ: Այնպես որ, եթե դրան նայենք Էրդողանի շահի տեսանկյունից, դա նրան առանձնապես մեծ վտանգ չպատճառեց, եթե չասենք` ավելի շատ օգուտ տվեց, որովհետեւ այդ տարածաշրջանների ժողովուրդն իր հակառակորդն է: Սակայն հիմնական խնդիրը, որ երկրաշարժը Թուրքիայում առաջացրեց Էրդողանի համար, այն է, որ Թուրքիան ունեցավ տնտեսական խնդիր: Այսինքն` գոյություն ունեցող տնտեսական ոչ բարենպաստ վիճակն ավելի վատթարացավ: Եվ դրանից հետո նրա հակահայ ծրագրերը խափանվեցին: Դրա համար մենք պետք է շնորհակալ լինենք Աստծուն: Եթե մենք մեզ չենք օգնում, Աստված նորից մեզ օգնեց:

ՀՐԱՆՏ ՍԱՐԱՖՅԱՆ

Այս թեմայով Եվրամիությունն ավելի շատ ունի Թուրքիայի կարիքը, քան Անկարան՝ նրա. Էրդողան Էրդողանն իր ուղերձում կրկին չի հիշատակել ցեղասպանություն եզրույթը Թուրքիան առաջ է մղում Հայաստանի հետ կարգավորման գործընթացը՝ համաձայնեցված Ադրբեջանի հետ․ Էրդողան Էրդողանի նախկին քաղաքական մրցակիցը դատապարտվել է շուրջ 1 տարվա ազատազրկման Էրդողանը սպառնացել է ռազմական գործողություններ սկսել Իսրայելի դեմ